سلطنة(مشاركتي في قائمة ال100)(شاعر المليون)

[متعب السبهان]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البارحة والحزن ياسلطان=لحنٍ برح صوتي وسلطنته
من باب غنّى ضايق البدوان=كم ضيق هيجن بي وهيجنته
ياكثر مابي من حزين ألحان=وياقلّ مابي حزن دوزنته
راحل وترحل فيني الاوطان=لأزمان غير وتهجر ازمنته
راحل وتتغرّب معاي ازمان=عن وقتها بالغيب وطّنته
عرّيت وجه الفقد للخلّان=والليل عرّاني وهادنته
للوصل عين وللغياب اعيان=شف عاد كم لي وجه عاينته!
كم ميت يسكن قبره وللآن=لامن فتشت الصدر عيّنته
وكم حي لو ينده علي يافلان=في ناصع البسمات كفّنته
وكم روح تسكن في جسد لانسان=مايستحق الروح وسكنته
وكم روح لو ماله جسد ولسان=عن وحشته بأحلامي أنسنته
الفقد راحه للقلوب احيان=حزنٍ يفجّ ظلوع ساجنْته
مثلي طليقٍ يكره السجّان=قيد العواطف مبطي اوهنته
ومن الغلا مايشبه القضبان=لاخان شخص,, تموت ماخنته
الفقد راحه والغياب ايمان=بحضورٍ ظروفه مقنّنته
اما حضور يشابه الهتّان=والا غيابٍ تجدب أمكنته
البارحه كان الرحى(نسيان)=واحبابي من القمح غير (انته)
كنت النخل ياخوي والاغصان=وكان الحزن رايق وسلطنته[/poem]

شكرا لكل من مر من هنا(زهرة)

 

[عبدالناصر الأسلمي]

الشعر فيكم طبع وليس صنع

نص فيه من حتميات الواقع الكثير والقاسي

تحياتي اليك اخي متعب

والى حبيبي سلطان

 

[متعب السبهان]

المشاركة الأصلية كتبت بواسطة عبدالناصر الأسلمي

الشعر فيكم طبع وليس صنع

نص فيه من حتميات الواقع الكثير والقاسي

تحياتي اليك اخي متعب

والى حبيبي سلطان

ومنك نتعلم ياعبدالناصر
شكرا لحضورك واشادتك
احترامي

 

[خلف المهيلان]

رائعه يامتعب الله يوفقك وإنشالله نسمع اسمك مع 48 وموفق انشالله

 

[متعب السبهان]

المشاركة الأصلية كتبت بواسطة خلف المهيلان

رائعه يامتعب الله يوفقك وإنشالله نسمع اسمك مع 48 وموفق انشالله

الاروع هو حضورك ياخلف
كل الود لقلبك

 

[عبدالإله المالك]

فالك البيرق ..
وفقك الله يا متعب ..
ولقلبك وردة

 

[متعب السبهان]

المشاركة الأصلية كتبت بواسطة عبدالإله المالك

فالك البيرق ..
وفقك الله يا متعب ..
ولقلبك وردة

شكرا لحضورك ياعبدالاله
ولقلبك الود

 

[عطاالله ممدوح]

راااااااااااااائع يا متعب
وصح لسانك
على هذا الشعر
وعسى ربي يوفقك لكل خير

لاهنت