مواساة لـ " حلم البواخر " ..

[نايف الرحيمي]

مساءٌ .. يَـغرق ..
باللون / بالدمع ..

الأزرق

:

:

:

أيام مرّت .. وانتهت بعدَها سْنين
رسمت فيها من خيالي .. أماني

اشعلت شمعة حلم .. ثمْ قلت بعدين
اكيد راحة ... واِبتسم .. يا زماني

كنت انتظر فرحة زماني .. وهالحين
صارت على صدري تضيق المحاني

والدمعة .. اللي تلمع بداخل العين
اختارت مْن اطراف خدي .. مواني

الحظ معها طاح .. ياحظه الشين
حاولت أكفّ اللي بقى .. مامداني

ثقل الحزن يرجح بكل الموازين
يوم الفرح لامن دعيته.. عصاني

لو الحياه تفيد معها .. "التلاوين"
لوّنت "شِهب" ايامها.. أرجواني

مليت أدوّر بالصحاري .. بساتين
مليت أدوّر بالمداين .. مباني

تعبت اقاسي .. صدمتي فالمحبين
تعبت اواسي .. دمعتي بالأغاني

شكيت بعض من العنا .. للعناوين
بكيت بعض من العنا .. للمعاني

لقيت هذا الحزن لو راح يومين
بكره يجينا بس .. في شكل ثاني

:

.

 

[عبدالله صلال العساف]

حلم جميل
ابحرت به على ضفاف الشعر
والشاعريه الراقيه
نص مليئ باللوعه

 

[نايف الرحيمي]

المشاركة الأصلية كتبت بواسطة عبدالله صلال العساف

حلم جميل
ابحرت به على ضفاف الشعر
والشاعريه الراقيه
نص مليئ باللوعه

جميل .. لأنه حلم
أشكرك لأنك كنت في الإنتظار

تقديري

.

 

[قايـد الحربي]

نايف الرحيمي
ــــ
* * *


كُل الترحيب بك .


:

هذهِ المواسَاة : مَرْساة ..
وَ هذا الأزرق سَادر الفتنة حدّ الشعر :
شكيت بعض من العنا .. للعناوين
ــــ بكيت بعض من العنا .. للمعاني

[ العين ] هنا تُعاد وَ لا تَتَكرّر وَ بشَهادة الشعر .

:

نايف ..
رتّبت هذا المساء ، فشكراً لك .

 

[نايف الرحيمي]

المشاركة الأصلية كتبت بواسطة قايـد الحربي

نايف الرحيمي

ــــ
* * *

كُل الترحيب بك .

:

هذهِ المواسَاة : مَرْساة ..
وَ هذا الأزرق سَادر الفتنة حدّ الشعر :
شكيت بعض من العنا .. للعناوين
ــــ بكيت بعض من العنا .. للمعاني

[ العين ] هنا تُعاد وَ لا تَتَكرّر وَ بشَهادة الشعر .

:

نايف ..

رتّبت هذا المساء ، فشكراً لك .

مِن مايُسمّى : هَمّ
...... أنا ترا .. مُثقل ..!!

أشوف مِنهم.. هُم
...... أشياء .. لا تُعقل..!!


الف شكر يا قايد على كل شيء
تقديري

.

 

[شمس]

الله عليك
الله عليك

اللوحة والقصيدة واللحن
هذا المساء مختلف بك يا نايف الرحيمي

 

[نايف الرحيمي]

المشاركة الأصلية كتبت بواسطة شمس

الله عليك
الله عليك

اللوحة والقصيدة واللحن
هذا المساء مختلف بك يا نايف الرحيمي

بحضورك تشرق كل الصباحات
شكراً يا شمس

.

 

[حاتم منصور]

شكيت بعض من العنا .. للعناوين
بكيت بعض من العنا .. للمعاني

لقيت هذا الحزن لو راح يومين
بكره يجينا بس .. في شكل ثاني


ورست سفينة ذائقتي هذا المساء بميناء هذا النص الوارف
لله أنت ماأروعك يانايف
شكرا ً لا تكيفك بل أكثر من ذلك ياعذب

محبك