رباعيات

[نجدي حاطوم]

شو صايبك تتقول اني غبت
وتارك حنين الوقت عالازهار
بتعرف حروف الشعر اني ذبت
ومذوب الكلمات عالزنار


------
ما بذوّب الكلمه ع خصر النار
بيذوب خصر الجمر من كلمه
وبحمل قناديلي فرح بيغار
حتى نشوف الحب بالظلمه

-----

الا كلام الشعر ما بيبقى
وزواده الاحلام بدنا نشوف
وكل ما كتبنا حروفنا بترقى
وبتصفق النجمات النا كفوف

-------
لما بخيالك ظلها بيسهر
بيصير حزنك يشبه الرمان
بتنزل شفاف الحب وبتسكر
وبيضحك الرمان عالصوان


------


الا بعيونك يا سهر ما بنام
في غربة الاحلام ما بتظل
روحي الك يا ورده الايام
بيت الدفا وكل الوفا الما قل

-------

يا مين شفلي الحب في الالام
تتظل باقي العمر تتالم
عم تصرخ بحبك بهالاحلام
والروح ما بتصحى تتكلم

--------

يا مين ياخذلي وجع هالقلب
ويسكن حنايا روح عينيي
ويبقى مثل ظلي على هالدرب
وان تعب دربي بحملو بديي


------
يا مين شايف هالزنود السمر
عرقان فيها الوجع ليشفيك
بسال الاهي اللي بايدو العمر
ياخذ عمر مني انا ويعطيك

 

[خالد صالح الحربي]

:

رُباعيات : أوّلُهَا [ رُبَا ] ،
وآخرها [ آت ] !
لذلك الإبحارُ معها محفوفٌ
بِمَا [هُوَ مَاطِر ] .
شُكراً / أكتُبُهَا بـِ..بهجة .

 

[ميــرال]

لما بخيالك ظلها بيسهر
بيصير حزنك يشبه الرمان

ياساتر

تسلم على هاالحرفنه

نجدي حاطوم

لك الفل والكادي

 

[سعود بادي]

.
.
ربا عيات ولا اجمل
والنووور لوجودك هناااا
دام نبضك الراقي
.
.
.

 

[نجدي حاطوم]

المشاركة الأصلية كتبت بواسطة سعود بادي

.
.
ربا عيات ولا اجمل
والنووور لوجودك هناااا
دام نبضك الراقي
.
.
.

اخي العزيز سعود بادي

الجمال والرقى في مرورك الخاص

دمت لي بحبرك وذوقك الرفيع

بمحبه

نجدي حاطوم

 

[نجدي حاطوم]

المشاركة الأصلية كتبت بواسطة ميــرال

لما بخيالك ظلها بيسهر
بيصير حزنك يشبه الرمان

ياساتر

تسلم على هاالحرفنه

نجدي حاطوم

لك الفل والكادي

الاخت الشاعره ميرال

شكرا لمرورك الرائع

لما مرورك عالورق يظهر

بيصير وجه الشعر شي انسان

تقديري ومحبتي

نجدي حاطوم

 

[نجدي حاطوم]

المشاركة الأصلية كتبت بواسطة خالد صالح الحربي

:

رُباعيات : أوّلُهَا [ رُبَا ] ،
وآخرها [ آت ] !
لذلك الإبحارُ معها محفوفٌ
بِمَا [هُوَ مَاطِر ] .
شُكراً / أكتُبُهَا بـِ..بهجة .

الاخ خالد صالح الحربي

مرورك وكلامك الراقي هما البهجه

وشكرا لك من اعماق القلب

تحياتي

نجدي

 

[محمد الضويحي]

جميلة هذه الكلمات

مررت لاستمتع بهذا العطاء والعزف المنفرد

مودتي