بركــــان كبـــر (جديدي)

[رضوان الهاشمي]

السلام عليكم ورحمة الله..،،
تحية لأبعاد وكل عام وانتم بخير وعيد مبارك
كان للغياب استراحه وعسى ان تكون هذه البسيطه كاسره للغياب...

بُرْكَــــانْ كِبـــرْ

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تخيلت الشعر بركان(هيّج)بالغضب فوره=اذا شب الجمر من موقده تصعد دخاخينه
ويربك رجفة انسانن وقف ماشاف مقدوره=انا كل الانــا يتلبســه ساســـه الى حينــه
يشب الجمْر في وقته مـ هزه وقفة غروره =يناطح رعب دخانه سما عن كبْر واطينه
تقول الارض ياكيده صغير الامس في جوره=كبر ماخالطه طيني وهذا الكبْر من طينه
يفوح الجمر من يغلي وثور فالارض ثوره=وانا ثارت عزوم الشعْر فيني مع شياطينه
ركدت ادري ولكن ما غفت عيني عن سطوره=تناظر لين ما شبّت وحطت عيني بـ عينه
نخيت العزوه اللي من سليل السيف ماموره=توطي للكبر خشمه وتخلع لــه جناحينه
واذا قالوا شعر داوي ، يفزْ للشعْر دكتوره=يسيل ولا بعد ياقف مدامه وافين دينـــه
ألوح للكبر بدري ،وبدري ماخفت نوره=مدامه فالسماء عالي طريقي اليوم مضوينه
فتيل الضوّء لو زادت به الطاقه على شوره=تفجّر والسببْ شوره ونوره صار مطفينه
تسيّد هالكبر ناسه وبان الذبْل بزهوره=تشوف الظاهر اشْ زينه ،رمى شاشه على شينه
يحسب انّ الخبثْ كاتم لا دارت لفة الدوره=تفوح الرايحه بخبثه وتنزع ثوب مخفينه
ألا وش فايدة ثوبن لبسته وما ستر عوره؟=تجرّه اسنين وتكابر ولاجادت به اسنينه
تعرّى والسبب عينه،بصرها قاصر الصوره=يظن انْها سناده يوم ،ضاعت به عناوينه
وقفت وقلت يا سامع يمرّ الوقت ودهوره=شواهد هالكبر تربه وطت رجلك ميادينه
غرق فرعون فرعونه وكبْرك لاحق بحوره=تمسّك والحبل رايق مدام انّك موازينه
وحبلن راخي بنحرك يجي يومن على دوره=يشدك والحبل حامي يسوقك لي براكينه
[/poem]

28\11\2009م
رضوان الهاشمي

 

[عمرالمرواني]

.
.
.
رضوان الهاشمي
تحليق شاهق لايضاهى
دمت بود
.
.
.

 

[عبدالعزيز العميري]

رضوان /
نص جميل
تحية لك يا ابن بلادي
إلى الامام دائما

 

[رضوان الهاشمي]

اقتباس:المشاركة الأصلية كتبت بواسطة عمرالمرواني

.

.
.
رضوان الهاشمي
تحليق شاهق لايضاهى
دمت بود
.
.
.

اهلا استاذي
بارك الله فيك ولهذا الحظور الجميل والكريم
من سمو شخصك وعسى ان نكون مرضين
لذائقتكم الجميله وشكرا لهذا التواصل المميز
دمت بود.

 

[رضوان الهاشمي]

اقتباس:المشاركة الأصلية كتبت بواسطة عبدالعزيز العميري

رضوان /

نص جميل
تحية لك يا ابن بلادي
إلى الامام دائما


الشاعر الجميل عبدالعزيز العميري
اهلا بك اخي وكأن صورتك كبيره شوي
ههه ..
حضورك تشريف وربي يوفقك يالغالي
واتمنى ان يدوم هذا التواصل المشرق
كن بخير

 

[عبدالله العويمر]

ألوح للكبر بـدري ،وبـدري ماخفـت نـورهمدامه فالسماء عالي طريقي اليـوم مضوينـه

جَمِيْل ٌ نَبْضُك يَارضوان

صُورك َ فَاتِنَه

وكُل عَام ٍ وأنْت بِخَيْر

 

[رضوان الهاشمي]

المشاركة الأصلية كتبت بواسطة عبدالله العويمر

ألوح للكبر بـدري ،وبـدري ماخفـت نـورهمدامه فالسماء عالي طريقي اليـوم مضوينـه

جَمِيْل ٌ نَبْضُك يَارضوان

صُورك َ فَاتِنَه

وكُل عَام ٍ وأنْت بِخَيْر

السلام عليكم:
الاستاذ ابومحمد
شكر لحظورك المشرف والذي يبهج
السرور ويزرع الابتسامه فينا لاهان
شانك عسى ان نرى هذا التواصل
الراقي،من شخصك الكريم.

 

[منتهى القريش]

ألا وش فايدة ثوبن لبسته وما ستـر عـوره؟
تجرّه اسنين وتكابـر ولاجـادت بـه اسنينـه
تعرّى والسبب عينه، بصرها قاصـر الصـوره
يظن انْها سناده يـوم، ضاعـت بـه عناوينـه

كنت أبحث عن شعر أعطر به مسائي.. فوجدته هنا في هذا المتصفح الجميل ..
لا فض فوك ..

ود وورد ..