الليل..أرجوحة كبار!

[فهيد العديم]

[poem="font="simplified arabic,5,black,normal,normal" bkcolor="transparent" bkimage="" border="solid,2,black" type=2 line=0 align=center use=ex num="0,black""]الليـل هذا..يمرجحنـي يـنـواف=ويمدّني..للغـوى ..والجاهلـيّـه!
يرشي عيوني بنظراته والاطيـاف=ويسفـك جنونـي لنـزوة أبجديـه
للدايره..لعبة المركـز والاطـراف=لعبـة مدى!..والمـوارد مهميّـه!
وانا صديق الطريق الموحش الجاف=وزوّادتي :صوت أمي..والوصيّـه!
وقلبٍ..تهشّـم أمانيّـه ولاخــاف=أدنى طموحـه يخـون الجاذبيّـه!
واحلام طفلٍ..تقمّص دور عـرّاف=وقـرأ حياته:جـروحٍ سرمـديـه!
وحرر أمانيه من تأطير الاسـلاف=ولـقـى مآقيه..أكـثـر آدمـيّـه
وبحث بخافيه في انفـة واسـراف=واختار : (لحظة يطشّ العقل غيّه)!
تساءل:بجد ليه سنينـي عجـاف؟!=وليـه الموانـي ترانيمـه غبيّـه؟!
فتح عيونه لآآآآآخر حلمه, وشـاف=عـودٍ يغنّي(ياحمّـال الآسـيّـه)! [/poem]