أثرك مهملني

[خالد الحافي]

[poem=font=",5,blue,bold,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ايوالله أني ابيك ومشغلن بالي=وانته مهملني وطولت بالصده
حالي ترى ما تسرك يابعد حالي=والروح من غيبتك والبعد منهده
لا تحسبني سليت وخاطري سالي=ياوي يا صاحبي وان طالت المده
يا كثر شوقي لك ويا كثر غربالي=وانته تقول الهوى يا صاحبي عده
وش عاد تبغا حرام وربك الوالي=مرت ثمانن خفوقي بيحن سده
مافيه ليلن يمر الا على بالي=طيفك يمر ويفز القلب من بعده
افز ارحب واهلي فالخلا الخالي=واشوف ضحكتك حول اسهيل ممتده
يا عل مزنن يسوقه رعد وخيالي=ويرفرف البرق من حده ليا حده
يقر من فوق دارً عشقها طالي=من عشق منهو سكنها من عهد جده
يا خذ له اسبوع ما جّها و همالي=وتهرج به الناس من حايل ليا جده
وش عاد لي في علوم قصار وطوالي=اثرك مهملني وطولت بالصده
[/poem]