لايقبل الليل والضيقه بصدري تبات
القلب مايحتمل ظلم وظلام وقهررر
واقع مريروتجارب كل لحظة ممات
العين تدمع لورداتي علاها الزهرر
صغاري اللي حلمت اشوفهم بالحياة
واعطيهم اغلى من الغالي بليا قدر
معقول عمري قضى يارب هبلي هبات
مدد بعمري ونبتي يعتليه الثمرررر
سجا سنا والسحر هذي اسامي البنات
وسعود طيب العلوم اللي تنومس ذخر
وسامر وسلطان يديني وتكو العصاة
لاميل الحظ كانوا لي مساء. وفجر
يارب مالي رجا غيرك تثبت ثبات
عبدك وانا ادعيك فرجها قبيل العصر
الحزن يخلج بقلبي والثواني سمات
وحيد مالي سواك وخاطري منكسر
اشف المريض وتلطف في حسين الصفات
لاتنظر الدمع في عيني وهو مستتر
طرقت باب الطبيب وراح كله شتات
وطرقت بابك وانا في رجوتك منتظر
آخر المشاركات
04-28-2017, 03:31 PM
لا يقبل الليل
العرض الشجري