كن ... أو ...لا ... تكن

[نواف التركي]

.



.



.



.



قد يكون التقصير وارداً , مسبقاً المعذره




[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما أنت الأوّل كثير اللي هنيّا سكن = لو توايق تشوف بعينك الأمكنه

كيف أضحت بعد ما هملوها و كن = كل واحد سرق عمري بما أمكنه

كنت أغني على أطلالهم وانــ / يكن = مايضيع العمر دام الفرص ممكنه

كنت واقف وأنا منهد مني ركن = وكل وجهٍ خذلني للغياب أركنه

كنت ساكت ولكن الخناجر حكن = ضجّن بصمتي اللي ماهو بمسكنه

لا وربي ولكن شيمةٍ ما شكن = لو هم أغراب ما عودتها كنكنه

لكن الموت جتني من قريب وبكن = العيون وبقى حكيٍ عجزت ألكنه

ودي أطلق جناح المفرده وأستكن = وودي أنسى ولكنّ الصدر مسكنه

وأنت يا أنك تكون أو لا بقلبي تكن = كان تقدر ترمّم مابقى فـ / أمكنه

وكان مثلك مثل من روّحوا فليكن = من هنا .. أفقدك .. قبل أفقد بك الأمكنه [/POEM]