السلام عليكم ورحمة الله وبركاته
( حقيقة لست ادري كيف اعتذر عن الغياب )
ولست أدري كيف ستكون البداية بعد غياب 12 عام عن صرحنا الرائع
أبعاد أدبية
,,,, ولكن ,,,,
لأنني أعشق الذكريات تقبلوها من الإرشيف
كم أعجبني من قال
أحلى مقادير الزمن جلسة اثنين
يقضونها بين الدلع والمودَة
عاشق ويلعب في شعر كامل الزين
والزين يلعب في سلوك المخدة
فكانت شارع نكاس
,
,
,
أحلى مقادير الزمن .. شارع نكاس
يسعد مساه .. ويسعد احلى .. مقادير
الوان مائية .. ومرسم .. وكرَاس
ودفتر شعر.. وعيون ملح الغنادير
بليلٍ جنونه .. جت تسوق الف .. وسواس
وتجبرني ارسم - ملحمة - بالتفاكير
احيان اقول ان // الفقر // نفس الإفلاس
واقول // لا // واقطع بفكري مشاوير
وارد اقول ان // القلم // عشق قرطاس
والَلوح - لوح - إن مل عشق الطباشير
ومرات اقول // الزير// لو حب جساس
يصير .. واقعنا .. يحب الأساطير ؟!!
أبسط سؤال : النَاس لو حبَت ,, النَاس
معقولة ، ارض العشق ,, تنبت نواوير !!
مجنون .. عاقل .. يضرب اخماس باسداس
وتطلع معه .. كل الأماني .. مدابير
يحب ( واو ) الجمع لو مابه اوناس
وحظه يسوقه دايم لـــ ... // جمع تكسير
ولا شل تفكيره ,, ولا ريَح الرّاس
إلا .. إتصالٍ .. جا يسوق // التّباشير
قالت : عسى ماباس .. قلت انتهى الباس
قالت : فديتك ,, قلت لبَى اغادير
قالت : وحيد ؟ .. وقلت : فاضي .. ومحتاس
مشغول ... اطيّر ... بالحنايا ... عصافير
قالت : بجيك وبنتصر // وارفع الكاس
جاوبتها : يامرحبا ... بـ .. المخاسير
جت سيل .. عشق .. وطقت الكاس بــ ... الكاس
وشربت عذب .. ولا روتني .. اعاصير
ويوم خذلت بأنفاسها : صمت .. الانفاس
وانا خذلت : الصَمت .. لأجل التعابير
ضمـَت خفوقي .. بين .. تشويش ونعاس
ولسان حال .. الحلم .. يكفي تفاسير
في ليلة .. الإحساس .. ماكان .. الأحساس
( إلا ) ولكن .. خان .. كل المعايير
ليلة رمتني .. بين .. مرسم .. وكرَاس
ودفتر .. شعر .. وعيون ملح .. الغنادير
يسعد مسا الرَوضة .. على .. شارع نكاس
ويسعد مسا .. ليلٍ .. جمعني .. باغادير
دمتم بود
شبل الشمال
آخر المشاركات
04-05-2021, 08:19 AM
حديث الذكريات ,,, شارع نكاس
العرض الشجري