.
.
.
يا آمال العمر والعمر لحظه باكيه
..... يا تباشير الصباحات عند اشراقها
يا ورود الروح والورد روحه زاكيه
..... يا سكون الكون كله وقلب ارهاقها
ترتمي لك من خفوقي مشاعر شاكيه
..... مثل موج ٍ يشكي الريح عند اغراقها
لد فيها واستمعها معك متحاكيه
..... لا تفزّزها .. تراها شقا .. من عاقها
وشوف كم تحمل جروح ٍ تجي متباكيه
..... أتعبتها صبر ... والصبر منها فاقها
والظنون اللي تفاوت وهي متذاكيه
.. خلها تمشي علي الدرب واكسر ساقها
والهقاوي فوق متن الهوي متراكيه
..... مد فنجال الغلا .. ولك جميل اوفاقها
وابتسم لسنين جرح ٍ لفت متباكيه
...... هجّت بليل ٍ تهادي لشمس اشراقها
.
.
.