بسم الله الرحمن الرحيم ..
احبتي سلام الله عليكم ورحمته وبركاته .
يطيب لي في هذا المساء ان اطرح بين ايديكم هذه القصيدة .
((( ... دمعة فؤاد ...)))
[POEM="font="Times New Roman,5,white,normal,normal" bkcolor="crimson" bkimage="" border="double,4,black" type=2 line=0 align=center use=ex num="0,black""]أتفكـر بالليالـي والقـلـوب النرجسـيّـه=والقلـوب النرجسيّـه مـا تفكـر بالليالـي
إنشدوا عن شعرنا ما قـال قيـس العامريّـه=ما بقى من كاتبينه غيـر صاحبـة المعالـي
لجلهـا قلنـا ولجلـك يالليـال المخملـيّـه=أكلينـه بالحـرام و ذابحيـنـه بالحـلالـي
ولّ يا كبر الذنـوب ولّ يـا كبـر الخطيّـه=المثالي صار عيب الشخص بالشخص المثالي
قمّـت الإذلال هيفـاء لحّنـولـه سامـريّـه=ضاعت البنت العفيفه في بحـور الإنحلالـي
وإن كتبت القاف قالوا في زمـان الجاهليّـه=ويش ذنبك يالسمينه يـوم تسبقـك الهزالـي
ضعت يالقلب المسالم في زمـان العنجّهيّـه=في زمان(ن) ما عرفه ألاّ الضعيف الإنعزالي
كلّ ما قلـت الحذيّـه قـال تبشـر بالعطيّـه=لا تعيش ألاّ على فرضين يمكـن واحتمالـي
قلت ضاعت قصتي بين الحروف الأبجديّـه=السؤال أصبح إجابه في زمن أصعب سؤالي
ضيّعوا عـذر الخطيّـه بالليـال السرمديّـه=أه وقت السيف روّح في زمن يـا همّلالـي
صدق صار الوقت لعبه والمشاريه أجوديّـه=ما بقى للموت غير اسمي وابو زيد الهلالـي
ما ندمنا ألاّ على وقـت المعـارك والمطيّـه=كسّروا سرج الخيول ونثّروا هيـل الدلالـي
إتبع الموضه مع أليسـا وبنـت العجرميّـه=غن معهن يـا لالالـي يالالالـي يالالالـي
درّسوهـا يـا جماعـه بالصفـوف الأوليّـه=ضاعت الحشمه وضعنا في طريق الأبتذالـي
والله إن نبطي وحنـا مـا وصلنـا العالميّـه=دام من يتبع طريق الحـق سمّـوه انفصالـي
قالوا اسكـت والقضيّـه خارجيّـه داخليّـه=لا تلقّـف لا تقـول إن اليهـودي احتلالـي
قلت نسكت ليه نسكت وشهو أصل العنصريّه=ما هرجنا لين صرنا رقم والرقـم اختزالـي
لعنبـو جـدّ الليالـي يـوم دقّـه هاشميّـه=غاليه دمعة فؤاد اللـي ذرفهـا يـا رجالـي
وا هني من راح يمشي بالديـار الجرهديّـه=يزعج اللحن الهجيني ما عشق والبال خالـي
مـا بقالـي بالحيـاة ألاّ طعـون الشمريّـه=وافزعولي يا عتيبه دامكـم صرتـو خوالـي [/POEM]
اخوكم .. فهد الغنام الشمري