الاهداء : الى من حلت بحللها ودلالها
في سويداء القلب واجادت عزف المشاعر ولحن التلون
_________________________________________________
[poem=font="Simplified Arabic,4,black,normal,normal" bkcolor="transparent" bkimage="backgrounds/39.gif" border="groove,4,gray" type=0 line=0 align=center use=ex num="0,black"]
جميل جدا وضوح الفيلم والصوره=حيث ان رمز الغلا بانت تقاريره
بان الجفا والخطأ والزيف بشعوره=لو كان عزف المشاعر جاد تصويره
يعزف لحون التلون ما أخذٍ دوره= وأبدع بفن التصنع في مشاويره
يتبع نفوسٍ على التلبيس مفطوره= لين اتقن الدور واصبح من مشاهيره
حقق مزيد التميز واصبح اسطوره = ما كن ربي خلق حلياه بالديره
كل الجوارح غدت بامضاه ممهوره= حتى اعتلى عرش قلبٍ رافضٍ غيره
كنت احسبه بالهوى نبراس دستوره = ومن الولع ما شقاني غير تعبيره
اثره ممثل بجد ومتقنٍ دوره = واشعل فؤادي بسحرٍ بان تأثيره
رسمت له لوحةٍ بالوجد مشهوره = ومطرزة بالوفا والحب والغيره
حبٍ سما بالتفاني واعتلى سوره = ومن الغوى بالمعالي صادحٍ طيره
في دوحةٍ بالغلا والحب معموره= يوم ان روض الهوى تطرخ نواويره
نقطف ورود الجوى والشوق وزهوره= ولا احدٍ بلغ بالغلا ميزان تقديره
حتى عكس ما(تبيه) النفس بسبوره=وانزاح عني ضباب الوجد والحيره
رغم التكتم بدأ بـ(الحب )مستوره= و (لاني)مرتب (هدف)لو بان تفسيره
عندي تساوي غياب العذب وحضوره= مادام مبدأ الوفا ماهو بتفكيره[/poem]