تواصلا مع رواد هذا القسم
اعود لمصافحتكم من جديد وكلي شوق لمصافحة قلوبكم جميعا
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ودي اكتبني قصيده = ثم ترددني شفاك
يطلق الإحساس قيده = غايته يوصل رضاك
الحبر دم بوريده = والورق هيبة حلاك
المشاعر لو بليده = تنتشي ترفرف هناك
تشبه طيور سعيده = تسبق الفرحه بسماك
ثالث الأعياد عيده = من بغيتيه وبغاك
يعلم الله سر عبيده = وتجهل بكامل غلاك
قلت لك شي وأعيده = ما تغير مستواك
يا غزال أبغى أصيده = أمشي جنبك مو وراك
عطني إيدك نمشي سيده = نقطع دروب الهلاك
لو تكوني لي بعيده = من هواك أشهق هواك
لك خصال لك وحيده = ما تملكها سواك
المزايا بك عديده = تحسد القمره ضياك
في شموخك مو جديده = يبتدي بك من ثراك
طيبتك دره فريده = تفقد اللمعه بلاك
قلبك الأبيض أريده = أعشقه وأعشق دفاك
بالوفا دايم تزيده = تكتمل صورة وفاك
لو حكوا انك عنيده = حتى في عندك ملاك
أكتبك جمله مفيده = اكتبك وأقول هاك
ودي اكتبني قصيده = ودي أتركني معاك [/poem]