السلام عليكم ورحمة الله وبركاته
مصافحه اولى وشاعر من الحجاز يبحث عن كرسي بين عمالقة الشعر بابعاد
وليس من الظروري بالصفوف الاولى اريد الدخول الى قلوبكم لا اكثر
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الصدر ضايق والوسيعه ماتضيق=لكن قلبي من هممومه ممتلي
وشكوى لغير الله والله ماتليق=سبحانه اللي فوق خلقه معتلي
مشيت بالدنيا على نفس الطريق=اللي يوصل مبتداه الاولي
مريت بالاطلا يالسلم العريق=وفاضت دموع العين مني همللي
كل المعالم كن صايبها حريق=والدار من سكانه العامر خلي
مع كل ريع اطياف للذكرى تويق=تهرج بدون لسان قالت مايلي
تعال واشرحلك ولاباقي صديق=الاانت يا روحي وياريحة هلي
وش حيلة اللي راح بالجمه غريق=ماياصله حبل المحاله والدلي
راح الزفير اللي تسبب بالشهيق=رحماك ياوالي ولاغيرك ولي
يشرح وانا حلقي نشف من كل ريق=والدم يغلي في شراييني غلي
عودي بنا عودي لماضينا السحيق=اللي لبستي فيه من ذيك الحلي
قالت خلاص انا وبلحق بالرفيق=موت البشرساواك ياموت الطلي
وانته بعد عامين يمكنك تفيق=ويمكن عسام الجو بكره ينجلي
كانك تطيق الظلم قلبي مايطيق=ارجع بنفس الدرب لاترجع علي
شقيت ثوبي وانقطع صوت الزعيق=والصمت ساد وكان سبة مقتلي
اثر الفراق ان حل في ديره يعيق=كل السبل يم الطريق الموصلي
مير الوكاد الجرح في نفسي عميق=ومافات فات ولوبقى مهو بلي[/poem]