ورق

[عبدالعزيز محمد المالكي]

تمـرين الـورق ./ وأتخيـلك ./ بين الكلام أحيان
______ واوشـوش منثقب صوتي ./ يـ ألله ./ كيف تنسيني
خيال وشفته يتبـاكى لـِ حلمي الآرق ./ الـبردان
______ وانا اتصبصب على فوضاي ./ كشكولي ./ تحسيني ؟!
تقولي لي : تركتـك وادري ( متبلد ) من الحرمـان
______ وأقـل لك : من تركتيني وأنـا ميّت ( أحس فيني ) .!
حزين اتراكـم ./ اتراكـم ./ بعين السـالفه ذبلان
______ أحيـك ./ من الكلام الســاذج أيْ حـاجـة تدفيني .!
وأنا فيني ./ سـما صـورة كئيبة وآخـر الجدران
______ فـراغ وقلت : أعلـق طيفك الـوافـر ./ على عيني
بكت عيني ./ وطـاحت في يديني دمعـة التحـنان
______ نبت صوتي ./ في صمتي كحكحـات وخوف يحـويني
من المقبل على قلبك ./ مرضك ./ الموغل بـ كتمان
______ بكـاك ./ أحزانـك ./ الضيـقة إذا زارتــك تطفيني
شحوبك لو تكسـربك من الضيقة فـ بعض أحيـان
______ شرودك عنك ./ عن شرهة مراية ./ تسألك ويني .؟!
تركتيني على بعضـي ./ مَع بعضـي ./ وأنا حيران
______ وش اللـي صـار بس مني ./ عشان أنتي تخليني ؟!
تركتيني ./ وقلت : أترك عتابي للورق (( وإن كان
______ فقدتيني )) تعـالي للمكـان اللي تركتيني ./ تلاقيني