.
.
.
فَـرْحي أسير....وتهت أنا بهمٍ كبير
.
. .حتى بعد بحلمي أحير.؟؟؟
حلمي أنا حلم الضرير..
وآآه من برد وهجير
.
.
حلم الضرير...!
لا صار يمسي في أمل
ويصبح وآماله تدووور بنفس المحل
مااظن له نفس يحلم .. حتى حلم.
.
.
.
حكت لي مره جدتي كانت لها مرايه ومشط..وكانت تحدث نفسها
عن وِلدْ شيخ يحبها...ومعه يكبر حلمها..
وانا أناظرها بذهووول..
يمه..عندك مرايه وحلم؟
وتعرفين الحب.. وبعدعندك حبيب؟؟
قالت لي : يمه ياشذى...ايه وحبيب .
سألتها وكلي شغف .
يمه تحقق الحلم . . ؟
قالت لي خوذي مرايتي وعيشي الأمل...تراه بيصير وحصل
وانا مثلْ.
ناظرتها وهزيت راسي في عجب..!!
قالت لي يمه في فخر :
حلمي انا إني أكون الآمره..الناهيه..بقلب أحدْ . أيه وانتظر..
يعني حبيبي ياشذى وجوده كان فمراايتي...حبيبي بس في مرايتي جمعت حبي والحلم.وغرقت انا بقلب الحبيب ومن بعد حلمي ياشذى حقيقه صارت فكرتي.
.
.
.
بعيني غاارت دمعتي..وتعبت اجاهد عبرتي..شديت خصله من شعري...شديتهاا .. عقدتهاوسط اصبعي لفيتها..فكيتها ..فليتها..لاحظت نظرة جدتي..
كانت تراقبني ببسمه خافيه
و عنهااباعد نظرتي...
كثيره براسي الأسئله..
مستغربه
متردده
عزمت احاكيها أنا..عن حلمي عن حبي أنا
أسرار بعيوني وهنا....وآمال بعثرها العنا.
غيرت رأيي وفكرتي.
ونويت أغير وجهتي
.
.
مرايتك يمه أبي...
.
.
.
وأنا أكمل رحلتي
ــــــــــــــــــــــــــ