** لأنّك حبّ **

[بندر الصقر]

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]إلى مني ذكرتك .. ألعن أبو حظي المقرود = وإذا عادت علي ذكراك .. أشكر من حباني بك



ذبحني هالتناقض وأنت لا شخصك معاي يجود = ولا طيفك يفارقني .. ولا الأيام جتني بك



تغيب وتلتهي .. وأحنّ وأسأل .. وأكسب المنقود = وأدوّرلك عذر .. وأحط صدقك دون تكذيبك



لأنك ( حب ) .. ماعندي على الحرفين هذي زود = ولأني قابلٍ من قبل ميزاتك .. عذاريبك



ولأنك .. حلمي اللي مابقى غيره معي موجود = ولأني لا تحداني زماني .. قمت أماري بك



ترى جار الزمان .. وزوّد العقدة على المعقود = دخيلك لا تخيّب ظن .. من راهن على طيبك



قسم بالله .. كن الحزن يوم ولادتي مولود = الى مني ذكرت إنك أمل .. والحظ مقفي بك



إذا أنك تمتحن صبري.!. أنا صبري عليه شهود = وجودي , والسنين الممحلة .. لو تسأل تجيبك



ولا ييأس زماني .. كل يوم بغير شكل يعود = وأنا مع كل هذا .. همّي أنت ودوم مِحرِي بك



ترى ما باقي الاّ ذكريات .. وحظي المقرود = يهون .. إن كان ما يخفى .. من الأقدار جتني بك[/poem]


.