من نـــــــــــور ............

[فرحان شغيل]

من نور...
وجهك من صباح الدر والبلور
يا سيدي...... يا سيد الحب المبجل
يا الربيع اللي على كف المدى منثور
اشتقت لك
أرسلت لك وردة وقلبي وانتظار
رحت أرسمك وجه الخليج
اللّول والمحار
ياما تمنيته
وطن تجمع شتاتي طيبته
ينفي وجودي غيبته
تمنحني كفوفه دفا…؟ واغرق غلاه انهار
في خاطري يشتاق لي
كثر النخيل المحتضن شط العرب أسرار
لوقلت لك :
انه أنا اللي بعثرت روحي
.. سنين الحب
حرمان و(وله)..!!
يا ليت تزهر في عروقي شمس
وفـ قلبي شعور
تنبت مكانه سنبله.!
تجتاحها الريح أسئلة....؟؟
منجل قديم واحتظار ...!
اشتقت لك
حبيت تتلاشى بروحي ضيّ
ضحكة.وتوهبك ليديّ.....!
والشمس في خدك تدور
والضوء توه أولك
والغيم
روح الفيّ
يا اللي أجملك...؟
موعد على جنح الهوى والنور
صدفة على أعتاب الوله .



فرحان شغيّل