حــــــــــــــوار من طرف واحد...........

[سليمان الشدوي]

يالحظة الشاعر اللي مالهـا مـن مثيـل
...................تطاوليني غلا واحساس لاتقصـري
مدي شراع الكلام اِلى اخر المستحيـل
............... وانا علي اشتعل في طيفـك الأسـري
فتحت لك جرح ينزف من قبل لايسيـل
....................وانتي تمرين فوق الجرح تتمخطري
في اول الليل اقلطـك البعيـد الطويـل
.............وفي تالي الليل يطرب راسـي الدوسـري
احتاج منك الشموس وكل ظـلً ظليـل
.................واحتاج منك (العنب واللوز السكري)
واحتاج منّك كما يحتـاج عابـر سبيـل
....................من (شيخ قوم) مع كل الملا ينطري
ودي تلامس يدي وجه (اليماني سهيـل)
................او ينبني لي وطن في جبهة المشتـري
انتي كثيره.. ولالي منك غيـر القليـل
......................تعبت وانا ادور بخطك الدايـري
من كثر ماغليك مادورت غيـرك بديـل
..................ولاقلت كم( دلعوك الناس يالاخضرِ)
اخدمك والناس قالو كيف تخدم بخيـل!!
..................وانا اعتذرهم بابن لعبون والبحتـري
لولاك ماسمي (اقبال الغروب) الأصيل
..................ولاسلّمت (سنة المرسم) علي دفتري
واللي يبي يسجنك بين (اضلع المستطيل)
.....................خليه ..والله مايستاهلك عنصـري
العشق قاتل وقيس (المتهـم والقتيـل )
.....................والعامريه ضحية جدها العامـري
لانه فرض حجةً مالهـا عليهـا دليـل
..............وصّور الكون (زاد ومويه وجـودري )
وده تبدل بقيـس ابـن الملـوح خليـل
................مايدري ان البلا في ( حسه الشاعري)
ويالحظة الشاعر احساسي برد الجمبـل
...............بزيد لك كلما زاد (الحضـور الجـري)
باسجنك وياي مايدخـل علينـا دخيـل
..................لو كان عبقر يوجه لي مية عبقـري
واستودعك وسط صدري يالكلام الجزيل
........................ولايغنيّك في لحنه (ولد بربري)