العمر محتاج لـ أماني !

[أحمد التيمان]

السلام عليكم ورحمة الله وبركاته ؛
أسعد الله أوقاتكم جميعا .. عذرا على الغياب !
أعود بهذا النص علّه ينال شيئا من استحسانكم ..

ــــــــــــــــــــــــــــــــ

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أذكرك مع صدح فيروز الأغاني=مع بداية عامنا ويش الجديد ؟

شوق ، وغياب ، وكسل مشي الثواني=وانتظار الباب ساعين البريد

انتظرتك .. لين برد المـا كواني=انتظرت بفارغ أحزاني .. وحيد

والليالي شمعها ذاب .. وبكاني=من كثر ما استرجع الذكرى واعيد

كل ما شوقي لشبّاكك خذاني=ردني عن شوفك السور الحديد

مرّ عيد .. ولا وصلت ، ومرّ ثاني=وانت تعرف ويش معنى ( يمرّ عيد )

ماني مغيّر مع الفرقى مكاني=لنّـي أدري بك تجي لـوّك بعيد

صاحبي .. لك كل شكري وامتناني=اعتبرني ميّـت احساس وبليد

لا اتّعذر ؛ والعذر غيّـر معاني=لا تذرّ الملح في جرحي التليد

يخت أمانينا هجر حضن المواني=ظنّـك ان مرّ العمر نقدر نصيـد !

صاحبي .. والعمر محتاج لأماني=لاجل تحيا وانت واعي ما تريد

وانت امانيّي ، وتفسير الأغاني=وانت حلمي ، وانت تبرير القصيد

وانت قنديلي إذا همّي غشاني=والفرح لحضورك الباهي وليد

خلّني .. لا جيت ابـ اغرق بك عشاني=لا تنجّيني من الموت السعيد !![/poem]
[

ودمتم ..