حنين وحالة استنفار في صدري وضيقة بال
.................تعبت ولا قدرت أثبت لكل الناس تنهيدي
سواد وصفحة امواجي على حطة يدين الجال
................تشكل من زَبَد حزني طفل يسعى لتعقيدي
يمر ان شاف في عيني بريق ولمعتين اغلال
...............يغيب ان ماقدر ياخذ قصيدة عِتق من قيدي
متى مالوح غيابه زرعت فمعصمي رحَّال
...............يجوب الليل لكنّه يضيع أن غَمَّضت ايدي
صرخت وكانت ضلوعي كباريت فـ يدين اطفال
.............سكت وكان في صمتى دلو من نهر تهديدي
غريب وكنت متناثر على حدود الرجا أطلال
...............وقفت وكانت دموعي شعوب تخاف تأييدي
صحيت وكانت جفوني شفاه وغفوتي موال..
................سهيت وكانت عيوني لسان وعذر تقليدي
بَعَد كل اللي مضى هذا وقبل اللي بعد ما انقال
............... لقيتك صبح متشعب يصب فحلق تغريدي
رماح وشي مايشبه سوى دمعك ورى هالشال..
................جفلت وكان منديلك يجف وينفلت صيدي
تحن وداري فصدرك من الحيرة خَضار ادغال
..............وانا من كثر مااتساقط احسك فصل تجديدي
فتحت الحلم لكني بلشت ولا لقيت أقفال..
...........سهرت ولا قويت اكذب عليك بصدق تسهيدي
كثر ماسالت الظلمى على وجهي حنيني سال
............... كأني من قهر مَعْبَر وخوفي لاعبر عيدي
رسمت الصبح بالمبهم وكانت ريشتي دجال
...............خلطت الضي باللاضي وجيت بفن تجريدي
نشفت وكل ماتشمس عيونك انتشرت ظلال
............رشفت الصبر ياخوفي اموت ان قلت لك زيدي
أحبك غير عن كل الحديث وسطوة الأقوال
.....................أحبك آه لو قلتي أحبك قلت لك عيدي