.
.
.
[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ماعمري أتبعت المقفّـي حسافـه=من راح علّه هفّة مقيط ورشـاه
الروح ما أجبرها لشـيٍ تعافـه=والعمر يمشـي فيـه ولا ّ بليّـاه
مثله مثل غبر السنيـن وجفافـه=يمحل غلاه بداخل القلب وأنساه
العمر رحله والسنيـن المسافـه=وقلوب خلق الله محطات لـلـأأه
وأنا وش اللي يازمانـي بأخافـه=أن فسروا حرفي على غير معنـاه
دامي معدّيه الـردى والسخافـه=من لاعرف خلّه يغنـي لـليـلاه
وأنا بـأغني للكرخ والرصافـه=يامجدي اللي كبلوا فيـه الأفـواه
ماعدّت الشطرين (مي) بعفافـه=أو مرّت بقبرٍ على الشط تنعـاه
ماشافها البستان ساعـة قطافـه=أو (بيدر) الحنطه تلملم عطايـاه
يامفرق الأحزان بنـتٍ خرافـه=لو تطلب الورد الندى يمكن أعطاه
بنتٍ لها بيـن الظلـوع أرتجافـه=وله دمعةٍ ترقب على الجفن وأنهاه
تبغى الصحيح القلب خوذ أعترافه=أخر كلام وخافي العلم وأقصـاه
ماعقب (ميٍ) في زماني حسافـه=من راح علّه هفّة مقيط ورشـاه [/POEM]