دوبلاج

[طلال الشعلان]

ودي اسولف عني بدون دوبلاج
عن المكان اللي ظروفه ازعجتني

لكن حسبت السالفه كثرة احراج
لي ولــكثير قلوب مـــا والفتنـــي

مشتت احساسي غدا كله ازعاج
مترامي احساس التناقض بمتني

مثل القوافي بداخلي دوم تحتاج
تبي الكلام الصدق؟ مـــا كــذبتني

غنيت همي ليل ضاوي بلا سراج
وجريت مسحوبي لـ غربة صدمتني


في هـ الزمن اللي غدا دون منهاج
ضاعت مبادئ فلسفة \ فلسفتني

بنيت بـ افكاري مدن كلها ابراج
وهدمت يـ الواقع اماني : بنتـ ني

احلامي اللي انبتت ضمن الاسياج
اللي انقضى فيها العمر : ماافهمتني

احاول استنطق مُثل عبر الافواج
اللي عبرت في ذاكرة \ ذكــــرتني

ان الاحلام اللي تجي ساحل العاج
مثل انعكاس الشمس لا عاكستني

اغلب احلام اليـوم صارت بالادراج
هي سالفه ؟ والسالفه !! حيرتني

امواج ترميني \ وتبــلعني امواج
بحار لكن ( فكرتي ) .ما عصـتني

مثل السجين اللي يطالب بالافراج
قال انظلمت بــ فرصةٍ : ضيعتني

راسي بمحله ما يبي( حلم )وتاج
ما ينحني لو الليالي ..( ازعجتني






كونوا بخير


طـــــــلال