بحثت في ارشيف القصائد .. فوجدتها تستلطفني لأنقلها .. لكم
علها تنول شيئا من رضاكم واستحسانكم ..
:
:
:
ما كسرني غـيـر ســرب ٍ هاجـر غصون المآقــي
.......................... تارك ٍ لي فــروخ يكبـر ريـشـها بسـود القرايــا:
:
صــوت
كان صداه :
:
:
ماعسرني من سؤالك .. كيف حالك .. في فراقي .. ؟؟
......................... غير نبرة هالسؤال .. وحشرجة عذر الخطايا
:
:
للجواب الفين باب .. وحارس ٍ .. مـِـحكم .. و ِ ثاقي ... !!
........................... منتصف روض المحبه ... مايقارن .. بالزوايا ...!!
:
:
وش بقالي من غلاتك ... كان قلـبـك فيه باقي .؟
.......................... لا تقول الا تعال .. وشـف وش اعمل بالبقايا .. ؟
:
:
لو بدور مثل قلبك .. مثل قلبك وين الاقي ......؟
............................. يكفي انه وســط قلبك .. للسكـــن عدة مزايا
:
:
دمــه الما .. والعروق اليا ضمينا .. به .. سواقي
............................. نبضته تهـدي وفاه .. وقبضته .. تقبل هدايـا
:
:
لو وصفته .. مانصفــته .. يبـلغ الوصف التراقي
.............................. يـَـشرق الشعر بغلاه .. ويشعر بقرب المنايا
:
:
مو حرام الحزن فيه .. ؟ ... ولا يبشّر بالتلاقي ....؟؟
......................... مو حرام .. يقاطعونه .. من غمرهم بالعطايا ..؟؟
:
:
يافريد القلب .. قلبك .. لو عرف قدر اشتياقي ..!!
......................... كان ماارخى سمع شوقه ، للعذول من النوايا ..!!
:
:
ادري انك هاقيٍ بي وجيت لك.. زي مانت هاقي
.................................... طامــحٍ باللي تبيـه .. ودامـحٍ كل الخطايا