( شاطيء الحب )

[نواف الشيادي]

لــ قلوبكم وعقولكم الشعر يا أبعاد ومحبيه ..

( شاطيء الحب)



طاح صوت الشعر فوق الورق من عتب
ـــــــــــــــــــــــــــــــ لو خلــى البـــال ذكراهــــا معــــي جابته


كيف ؟؟! والريــح في قلبي عليهـا تهب
ـــــــــــــــــــــــــــــــ شجـــرة الحـــب ضميانـــه ولا عــابته


ودي ابكي على ضيعـــة زمانــي حسب
ـــــــــــــــــــــــــــــــ كل جــــرح ٍ ف صــدري خيمتــه ثابته


طحـــت من طولي البـــارح أدور سبب
ـــــــــــــــــــــــــــــــ ليش بعد الخيــــانة كـــــل شيء تابته ؟


اعذريني أنا وااااجد ( أحبـــــك ) وأحب
ـــــــــــــــــــــــــــــــ ( دمعتي فيــك ) ، لكن الوصــل طابته


اتركي تحــرق الغيمـــة علينـــا حطـب
ـــــــــــــــــــــــــــــــ وامطـــري نــــار ذكرانـــا يــــ شبـابته


بذكرك داخل أوراقـــي وفينــي غضب
ـــــــــــــــــــــــــــــــ وإن قتلني الهــــوى بفصــح لمـــا كابته


من ضياء ضحكتك شقت نحور السحب
ـــــــــــــــــــــــــــــــ تسأل الشمس وين ؟ وكيف ؟ وإجـابته


شاطي الحب / في رمل العذيبه انكتــب
ـــــــــــــــــــــــــــــــ ( ريحة أحضانــنــــا ورد ٍ بهــا نابته )


اقطفيهــن / أنــا مشغـول بك عن كثب
ـــــــــــــــــــــــــــــــ أسقي بــذور صــدر غيـر عـن لابته


يعلق الحلم في غصن الهوى من هدب
ـــــــــــــــــــــــــــــــ شف تمــادى وطاح الغصن في غابته


مــا علــق بعــده إلا الشعـــر لوه تهب
ـــــــــــــــــــــــــــــــ قوة الريــح / . . أغصـــانه بقت ثـابته