رقصة الخشابه

[ميــرال]

يقولون
بيني وبينك

..

بين النبع واحلام الكرز
بيتٍ قديم من الخشب
مفتوحه شبابيكه
وبابه من سعف وغصون سدره
وله درج
يغفى عليه الزيزفون
قالو انه من زمن
مسكون
وقالو بعد
لاذابت الشمس في صدر المدى
ينفتح شباك باالظلمه لاحد
واتطل بنت وتختفي في يدها
مصباح
لاسمرا ولابيضا مثل لون النقا
تلبس اسواره خرز
ووشاح
وفستان ابيض
لامشت ينبت على اطرافه
عروس
وقالو ان الليل لاعدا يطيح من التعب
ويصحى القصب
ويفز حلم ( بعيطموس )
وقالو بعد نصف الشهر
نجمه تمر وينتشر
دخان



((بوشوشك))
تاخذني هناااك
نفسي اروح وخايفه منه
وش لي اذا خذتك
اللي تبي وما ابغى احس بجيتك منه

اجل ماعرفتيني
وبعد بمشي وراك
...خايفه؟
من قال انا احب امشي وراك
ايه تمسكي ثوبي وسمي
ليه /بسم الله الرحمن / لييه
سمي
بسم الله الرحمن ليييه// ليه وقفت
بمسح جبيني// والعن الشيطان
هذا هوايه
اوقفي لحظه وانا بدخل
لأ إلا معاك
يابنت
معاك يعني معاك
تعالي
من سكر الباب
انتي ويمكن انا وانتي ويمكن انا


تصدق
مااصدق اني ماجيته
ولا شفتك هنا البارح
من ولع الموقد اجل
ومن رتب الموعد
ومن رسم وجهي على الركنيه الديباج
ومن ذوب الداج لاطرافي
ومن لملم البرد لاحضان السهر
ومن بعثر الورد
بلحافي
ناظر اصابعنا هنا
وناظرهنا
وناضرها هنا تغفى / على المزلاج
يعني انا ماكنت احلم
لا
ولا هذا المكان اللي جمعني بك خيال
يمكن محال
لكن حقيقه