أصدّهم عنّي ويقولون قشــرى !!

[شذرة السيف]

مـدخلـ :

لأن الوفاء حاله مستمره .. حتى ان اختلفت الأنفس وتغيّرت ..


يسعدكمـ الرحمن .. من اول نبض للاخر ..

.
.


افبالي من اصحى ليا حد مانام
............................وافحلمي منّي انام لاحد ماصحى

غبّيتكـ ابقلبي من شهور وايّام
............................ من قبل نتزوّج ومن قبل تدرى !

ومن جيتني والقلب في داخلكـ عام
............................ ايقنت بأنّ الحب من جد بلوى

غلاي من دونكـ عن ادروبهم شاام
............................ وادريبكـ اتقولّي ابي شي اقوى

لاحدن قرَبلي او من موقعي حاام
............................اصدّهم عنّي ويقولون قشرى

قلبي مع قلبكـ على طول مادام
............................ عمري بقربكـ صاير بجد يسوى

مثل الطفل لامن فطمته واذا صام
............................ من ترضعه امّه ترى ابساع يرضى

اصوم بغيابكـ وتطريلي اوهام
............................ ومن ألمحكـ اهدى وانا اقول اشوى !

ابحتفل في حبّنا عام واعوام
............................ ايلين ماحسّكـ على البعد تقوى !


.
.

وآخذ نَـفَس

أضحكـ ..

وكنّي ما بكيت !

.
.


وصيّتي لارحت ماتنسى ( ايمان) ..//.. ودايم تردّد وسط قلبكـ غلاها
حبيبتكـ فدعه ولكـ عندها شــاان ..//.. اتموت في بعدكـ ولا احدن غواها
تنساكـ بغيابكـ ؟ ترى حييل غلطان ..//.. هي كلّها كوم ٍ وكوم ٍ وفــاااها
لارحت علّمها بتحضنكـ منشـان ..//.. يبقى عطرها في جسَدكـ ايتباهى
ماتعيش من دونكـ لو اتموت حرمــان..//.. يالله عساها تلتقي بكـ عساها