طرف الحياوي ..!!

[سالم الجهني]

السلام عليكم ورحمة الله وبركاته

مع الــ : ود / ورد

/

|

الليل هوّد وانتثر بي جلاوي
واقبل على حد الصحو من منامه

مقدام يكز بمفصل الروح ناوي
كنه يقول الموت موت الشهامه

يكظم على صوت النشيج السطاوي
والمسرى مابين الصلف والجسامه

حياوي وطرف السوالف حياوي
والصمت يتمتم للنوايا كلامه

الحزن كامن وان بدا بوجه ذاوي
المشرب أصفى من الشعور ونظامه

ياغيمة العشق بمقام الشظاوي
من قال اطوّف للشعور انسجامه

كان اول إلهام الوله للهقاوي
ماللعزم مقياس مثل احترامه

لولاي اعرف ان الهقاوي ماتاوي
والشوق من قامه في قامه في قامه

أقبل على الحروه ولامن حراوي
الله ولااحساسٍ تبلد غرامه

كل ماترنم بين هاوي وغاوي
عينٍ تواتر به وعين بحيامه

فضفاض يراقص للمرودن هواوي
دافي مثل شمس الاصيل بهيامه

جرحه ضماد ومالـ جرحه مداوي
يهدي في موتي للحياه ابتسامه

أسمعك ياورقا الخيال النداوي
وابلغ مراسيل التآلف حمامه

مثل الصبا لاقبل بها الخير ضاوي
وسم وعلى اطراف الحجاز بوسامه

ياملهمه شاعرك ماهو ب خلاوي
لاتجرحين الصمت يبطل صيامه

مايندفن جرح برواق الحكاوي
ولايمتلي جوف الثرى من نعامه

لو لي على كسر الخواطر دعاوي
ماكنتي للذكرى بقاموسى علامه

صبي على خيوط الظلال التقاوي
عسى آخر المشوار ستر وسلامه

.

.

|

وعذراً