و .. شفتني !!

[ظافر الهرمسي الهاجري]

و.. غبتني ؟

جيت ادور عني البارح

ولا .. حصلتني !

قالوا : أني كنت من عام الرحيل .. المستحيل

و.. سافرتني

كنت أحس أني غريب بدنيتي ..

وكانت أشعاري تحس .. وكنت .. بس

وكانت أيديهم من التصفيق سيل

وكان كل اللي يقولونه : جميل

ولـمّا غبت .. !!

مآحد ٍ عني سئل

مو عشاني .. لو عشان اللي احب

اللي يسمونه ( شعر ..

وشفتني :

فـ المطارات أنتظاري

وفـ القطارات أحتضاري

وفـ النهارات البعيدة

وفـ المرايا .. والقصيدة

وفـ الكوفيات أنتظر ..

أنتظر أكتب قصيدة للــ فراغ الممتلي

وفجأة فجأة

// أرتفع صوتي من الشرفة : حزين

كآن صوتي لمّا يتسول : حنين

كآن صدري ممتلي حلم وأنين

وكنت سين

إبلا جواب // إبلا خدين

وشفتني

واقف أبي تكسي يودي للـ مساء

ومرتني الدنيا ولا فيها مساء

وغبتني

ومره أخرى : غبتني





ظافر : هذا النهار
12:06:2013
al-hajri.z@hotmail.com