.
لمّ الحكي .. / مجروح من : كل الكلام
من قبل ... : "تبدا به .. وأعرف أوله" !
جيتك أشدّ الليل ../ أسدل عـ الحطام
بعض الهدو / بعض السعادة الراحلة !
رغم : الغياب اللي نَخر أرض و عظِام
رغم الجِفا .. : "قلبك و أْنا محتاج له"
جيت أشبك الضيقة بأسوار الخصام
أمدّ لك .. / وحشة أصابع .. / ناحلة !
ما شفتني ../ عاجز أجاهر بالسلام؟
ما شفتها ../ رمشة عيوني .. / تنقلة؟
أرخيت جنحاني .. / و ضوّيت الظلام
فرشت لك : كل الصدور .. / القاحلة !
لمتك ../ و نوّخ هالمطر .. / لاح الغمام
ترفّعت ../ أرضك و أرضي ../ مَنزِلة !
كانت : أماني .. من تفيقك ./ ما تنام
وأضحت مدينة تنضح : جروح و وله !
أسهل من : غيابك وأعذب من : ملام
بس اللقا .. يا كثر صعب و مُعضلة !
تضيق : لا قلل حضوري .. الإحترام
تعتب وأْنا .. بكامل "ذهولي" راحلة !
جفّت خطاوينا ../ ولا تعرف : "أمام"
ناظر .. محطات القلوب ../ الجاهلة !
كنا سهر ../ ما نعرف نغيب و.. ننام
ما بين : "فرحة" واردة أو .. مرسلة !
كنا / وضاع الأمس : "ما كنّه حرام؟"
نطوي "عمر" فشلت يدينك.. تحمله !
ردّيت .. في فمّي : "سواليف الغرام"
اللي عِجَزت "نظرة عيون" .. توصِّلة !
أنفض وجع غيبة على الباب و.. أنام
أتدثرك .. / لو : ذكرياتك ../ "قاتلة" !
"جيتكِ و حط فـ صدر ملقانا : حمام
ما كنت أقدر .. : أمنعه أو ... أمهله !
جيتكِ .. وطال الليل / ما طال الكلام
قصّي "أغاني الشوق" .. وأنتي راحلة !"
آخر المشاركات
04-14-2016, 05:16 PM
السعادة الراحلة !
العرض الشجري