حلم غافي

[عائشة]

السلام عليكم ..وعلى قلوبكم السلام
طبتم وطاب لي المقام بينكم
حضور فقير لكسر الغياب












الحلم يبقى حلم لو هو تحقق
وشلون لو مازال حلمك غافي !!!




ياحلم خبرني متى تتحقق ?!
وينزاح هم الحلم من أكتافي




أحيان أحس الفكر فيني مرهق
أتمنى أغفي بس نومي جافي!




صرت أتّمنى النوم لو بي يرفق
ويزورني وسط الظلام الخافي




يالأمنيااات اللي بقلبي تخفق
ممكن تكوني لي لحافٍ دافي!?




تعبت أجامل بعضهم واتملق!!
وتعبت اعاملهم بقلب ن صافي




وتعبت أحب الشي وبه أتعلق
وأكون له ذاك المحب الوافي !!




ويصير من بعد المحبة يحرق
واصييح يللي تكتويني كافي




ودي بقلب إنسان فيني يشفق
يلمني ويكوون بلسم شاافي




ويصير قلبي من السعادة يصفق
ويثور حلمي اللي حسبته غافي"










عايشة ..