نصوص بلا أجنحة ..🪽🪽

[نوف الناصر]

[ ليه احبك ؟! ]


•

بين تلويحة حضورك والغياب
إنتظرتك لين باغتني ظُما

بين هذا الدرب .. و دروبك سراب
كنت أخيله ( ماء ) واثره ما هو ( ما )

بين شرهات المفارق والعتاب
ضاقت أنفاسي وِيَمَّمْت السّما

يمكن القى في مواعيدك سحاب
ما لقيت الا جفافك و العمى

جيت أدوّر في تفاصيلك جواب
للسؤال اللي على غصني نِما

ليه أحبك ؟! رغم هذا الاغتراب
لا وطن صدرك .. ولا فيك انتما

جعل قلبي يوم حَبَّكْ لَذَّهاب
طفلةٍ غضة و تغريها الدُمى

أحسب ان الحب ألعاب وثياب
ياخسارة كل دمعٍ بي همى

بيني وبينك بقفّل ألف باب
رُبَّما لَوْ عُدْتَ يوماً .. رُبَّما

آتذكّر كل لحظات العذاب
وارمي المفتاح وارجع مِثْلَما

كنتْ وَحْدي .. واتولّم للغياب
واكسر بقلبي اذا فيك ارتمى

يوليو 2023

أبعاد

www.ab33ad.com/vb/showthread.php?t=44282


تويتر

https://x.com/too_simple_girl/status...-Zv_esWEdZ8POQ