أسا..مينا

[عاطف الحربي]

( .. ولابه من طريق يردنا لـ اجمل ليالينـا )

......

..
.


حزين الليله اكثر , والكلام اللي بعد مـ انقال
................... تعلق في طرف ثوب الحكي واصبح يعانينا


وانا ياساكنه بين الفؤاد وغربتي والبـال
................... تثاقلته.. ومن سجن السكوت اوجدت له مينا


عساي أنفذ بـ جلدي من عذاب الأمس والترحال
................... واموت بـ رغبتي وتموت بي غربة خطاوينا


واكون اول طفل وآخر رجل في موطنك رحّال
................... ولـ عيونك وبعيونك تكون .. اجمل منافينا !


تعبت الركض في أرضٍ يباس بلا مطر وآمال
................... عليها كم بكت خطواتنا ْ العمْر ومآسينـا


تعبت البوح والموت الطويل بـ دفتر ٍ دجال
................... تخيلتـه بعد مانبتعـد عنـّه .. ينـادينـا


ولكنـا ابتعدنا .. وابتعد عنا ..وطاال وطااال
................... تمادى في غيابه لييين مامات الرجا فينا


تغيّـرنا / كبرنا ماقدرنا نستريح اطفال
................... ولابه من طريق يردنـا لـ اجمل ليالينـا ..


صرخت انده على حظي معك من كثر ماقد مال
................... وردّ الصوت مكسور الصدى .. يرفض تلاقينا !


تعبت الجرح .. نزفه ماكفاه يزيدني ترحـال
................... خذى حتى السنين بـْ ضحكها وبْـ دمع ماضينا


ولين الحين شوفي وش بقى!! .. منهااااار هذا الحال
................... اسامينا .. بقت فـ ااااخر حكاياته .. اسى مينا !

.
.