من شان ناس ! وناس : )

[عبدالمحسن العتيبي]

مدخل !


جتني تقول المعذره وش جديــــــــدك

قلت الجديد ان الهوى صابني وانت!


القلب قلبك والجفيا رصــــــــــــــيدك

وهاذي ثلاث شهور غايب ولا بنــت



القصيده !



الا يا بيهم الليل يا دآعي الهوجاس
00000000000 تفيض المشاعر فيك والناس حساسه

دعيت المشاعر وانت ما تعّرف الحساس
000000000000 ليا دقه الهاجوس شوّك شعر راسه

هواجيس فكره كنها تجتول بالراس
0000000000 ليا ضاق منها الصدر تطلع مع انفاسه

على ارضٍ قفر خضرا ولا طبها العساس
0000000000 على اول دخول الوسم ما هيب منداسه

نسيمك علليل و غربتي معك ما تنقاس
0000000000000 ويجهل ظلامك واحدٍ ما بعد داسه

جعلك الولي للكون ستر وغطى ولباس
00000000000 وسكونك يحرك هاجسي لو بلغ ياسه

مع الهم والضيقات للشعر نبض احساس
0000000000000 وهاذي نتايج شاعرٍ دق هوجاسه

ليا من دعاه الليل للحبر والقرطاس
00000000000 مضى الليل كله بين حبره وقرطاسه

توافد بنات الفكر وان هبة النسناس
00000000000كتب من مشاعر فايضه نابع احساسه

مشاعر خياليه نتيجة سهر واعــماس
000000000000 ولا هي مشاعر واحدٍ قالب الطاسه

يجيب الهزيل ويبني البيت ماله ساس
000000000 وهو ما درى ان البيت يبنى على ساسه

انا اكتب خيآل الفكر من (شان ناس)وناس!
000000000000 ولا همني لو ساحة الشعر محتاسه

ما دام البحر من خلقة الناس له غطاس
00000000000 ليا هاج موجه والتطم جيت غطاسه

وما دام الجواهر كلها من ذهب والماس
0000000000 فـ انا اقول بنك الشعر ما يعلن افلاسه



مخرج !


لا استسلمت عينك الخجلى لروحي وجـــيت،،، ابتشكل سحابه في يدك وانهــــمر

وان غابت الشمس في كونك لعينك ضويت،،، تركت كلي علشانك وجيتك قمــــر