(........................ ) يتصل بك ...!!

[علي المحمد]

( نايف ) دقيت عليه وابي أقفل عشان يكلمني وبسرعه رد ودايم يسوي ذا الحركه عشان يقهرني ...


نايف : هلا بخال العيال

علي : خال ان شاء الله يدبجك لين يليًن عظامك ليه ترد يا نذل يالله بقفل وإرجع دق وبعدين كم مره قلت لك لا ترد

نايف : ههههههههههههههههههههههههه طيب قفل وبدق

نايف رجع يتصل مره ثانيه

نايف : ألو

علي : هلا أخبارك

نايف : تمام ولابس فروه ... و أنت أخبارك

علي : تمام ولابس هيلا هوب ... الحين انت و وجهك انا سألتك وش لابس !!

و إلا بتعلمني إنه عندكم برد .... والله لو يجيكم نصف البرد اللي عندنا الحين كان ما تقدر تطلع من البيت

ما فيه فرق بيني وبين ابو الهول دايم قاعد بالبيت الدنيا ثلوج ودرجة الحراره اليوم -14

نايف : خلصت كلامك !! وش لون الهيلا هوب اللي لابسه يا أبو الهول

علي : ههههههههههههههههههههه لا تستخف دمك ياعساني أشوفك منتدب بالأسكيمو اسبوعين و يلعب البرد بعظامك و ماتاكل الا تونه

نايف : ههههههههههههههههههههههههههههههه وش تبي داق !!!

علي : ابي ترسل لي بطانيه بطانياتهم ما تزبن والله ماعاد صرت اقدر انام من البرد وأبي ترسل مويه مقري فيها و أبي عشر كروز مالبورو

نايف : ليه المويه المقري عليها ؟؟؟

علي : العجوز البريطانيه اللي ساكن عندها ماهي مضبوطه قبل يومين لقيتها تسولف مع نفسها قعدت أطالع فيها قلت الحمد لله ولك الشكر وش فيها هذي

كأني سمعتها تقول محد صديقي إلا أنا ... وما أحب إلا أنا ... و الدوري السنه هذي نصراوي

نايف : هههههههههههههههههههههههههه لو سمحت لا تطقطق على العالمي يالمحلي

علي : ههههههههههههههههههههههههههه المهم بجد اتكلم أرسل لي الأغراض اللي قلت لك

والمويه المقري عليها أبيها ضروري لانه فيه واحد عراقي معاي في بريطانيا يقول انه تعبان شوي ويحس بكتمه دايم تجيه بصدره

مابي أطول عليك سلم لي على أختي و على أهلك

نايف : يبلغ ان شاء الله ... في أمان الله

علي : في أمانه