عبث ( كثير إشتقت ) .. !!

[نواف التركي]

.




.




.

محاولات للخروج من دائرة النص العامودي

1




مشاويرك ..


وتتعبني ..


مشاويرك ..

وأنا منهك بليّا ما تمشورني ..


خطاوينا ... خطى فينا

وأمانينا ... منى فينا


تعبنا من سفرنا والمواني موحشه و أغراب ..

تهجّانا الوجيه بريبة ..

وتركل ملامحنا ..


ونغنّي نقطع أميال المسافه في أغانينا ..

ونغنّينا غناءٍ ما يسلينا ..

ونضحك في وجيه أمواج هالدنيا بليّا أحباب..

بليّا أصحاب ..

بليّا أقراب ..

بلا أي شي ..

ونستسقي مواجعنا شويّة آه ..

عشان نعيش زي الناس ..

ولو حتى بدون أحساس ..

مجرد آه تسعفنا ..

عشان نحس في نبض الحياة ونقتنع بأنّا من الأحياء ..

بلا أحباب

بلا أصحاب

ولا حتى أغاني تقدر تعيد العمر فينا ...


ونغنّينا ..

كذا نضحك على أنفسنا ..

نغنينا..

ونمشي في دروبٍ ما توصّلنا أمانينا ..

ونمشي في متاهات العمر تبكي ..

خطاوينا ..

خطى .. فينا

يمنينا

خُطى فينا ..

تمشينا...

ولا أحلى من كذا نحرق بقايا عمرنا فينا..





2




غريب وكل ..

مافيني .. يناديني

تعال بذمتك يعني..

((ولا مره حصل وأشتقت))



(...............)

كثير أشتقت...

ولكني ذخرت العشق للأحلام

وصبيت الوجع للمبعدين أوهام

ولاحسيّت .. بالغربه

ولا لوّحت ..أنا مبعد .. بدون أحساس

ولكن .. فــقــت


ولا فرقت ...

بين الحزن ..والتمثيل

ويمر الليل

ولا صبح بـ عيوني لاح

ولا أفراح

تقدر عنك تأخذني

وتبعدني

حنينك ..وين ودّاني....

على أحزاني

على الذكرى مسيّر بي

ولا ألقاك غير جراح
بقايا أشباح
بقايا أشباح


.................

نسيت أرحل
ولكنّي
قدرت أستدرك غيابي ...وأغيب هناك

نسيت أرحل
ولكنّي

قدرت أستنزع أحبابي ... من الأشواك

وأذا مرّيت ...في بالك....بلا أدراك
أذا مريت
لو بالبال

ترديني ولو بك ضــقــت


...............

كثير أشتقت

مثل من قبّل تراب الوطن ..
أشتاق

وأحس بفراق

وأسولف
عنك للدنيا يمر الوقت