نتوء بـ هدوء..!

[طارق سليمان]

بقول لك شاللى حصل لما تركتينى وجلست
اللى بقى
قهوه حزينه بارده
وآنا يبست!!

 

[طارق سليمان]

هذا الطفل بعدك كبر
وإتسعت عيونه حزن
لكن على بعدك صبر
وكل ماذكر طعم الحكايه بـ شفته ليّل مزن
وبدا يقيس بدمعته كل الدروب اللى تودى لديرتك
شبر
شبر
شبر
ومايلتقيك
اليوم صادفته هنا
أكثر من الاول حزين
وكله مواسم يابسه
مابه جنا
وإنه بقى لك ينتظر يمكن تجين
قلت أسأله:
إشعندك هنا؟؟
وبدا يتيبس أخضره
ودنا
دنا
دنا
حتى اكتشفت بارد زجاج المنظره
وأن الطفل
هذا
أنا..!

 

[طارق سليمان]

إن كان به ناس..... عند الناس نمّوا بى
............ الله يعطى خفوقى بـ قد نيّاتى
خصصت بعض الكلام إن كان عمّوا بى
........ أبمسح الدرب واجمع كل خطواتى

 

[طارق سليمان]

تحبينى؟
إذا كان الجواب بـ إيه
أنا تعبان
بوسط العين خبينى

 

[طارق سليمان]

أحب فوضايه معك
وأنتى كثير مرتّبه
هذا الشعر لو ما عيونك تعشقه
وربى ماعدت أعتّبه
ياكثر ماأمسح كلام
عنك تعبت آكتّبه..!

 

[طارق سليمان]

زين غيبى
علمينى الكون هذا كيف رح يصبح بدونك
زين غيبى
علمينى كيف يمشى الوقت هذا دون ماتضحك عيونك
زين غيبى
علمينى شلون الاخضر يبقى أخضر لما يطلع عن غصونك!!

 

[طارق سليمان]

ياغيث
والحزن الكلام
الصمت أحياناً فرح
وإذا بتشحذنى غمام..!!
حتى أنا مشتاق لك
دفاترى غيم وضيا
فيها كثير أوراق لك
وإذا الكلام اللى كتبت
ماراق لك
إعصر لى عيونك بكا
حتى انا مشتاق لك
تخيّل الدمعه بشر يمشى معك لما تروح
تسولف معك
تمسك يديك
تعاتبك
وتقول لك فى شيطنه" الله يهديك"
تخيّل الدمعه مشت
وإن العيون اللى أرمشت
عينٍ بكت مره عليك
وإستاحشت!!
وكل الغمام عناق لك
وحتى انا مشتاق لك

 

[طارق سليمان]

إكتب عشانى ف فضفضه!!
ردك على هذى حلو,,
لكن ترانى أرفضه!!!
أكتب عشانى أغنيه
وهذى شتبى!!!
تهديك شعر وأمنيه؟؟!!
قصيدتك هذى بـ منو؟؟؟
أظن هذى تقصدك؟؟
"
"
"
فلانه قالت تعرفك!!
وفلانه هذى تفقدك
وفلانه هذى تغرفك
وليش تروح لـ فشة خلق
شفتك تقرا شعر فلانه!!
وشفتك تقرا نثر فلانه!!
وفلانه هذى غيّاره
وفلانه هذى عيّاره

"
"
"
لا تمزح مع هذى البنت
ذولا ربعك بس اكرههم
ياخوفى
تطلع تشبههم
"
"

طيب ياستى المطلوب؟؟
تحلف لى انك بتتوب!!

"
"
"
مو لما ألقى لى ذنوب!!


ملاحظه: لست مسئول عن اى خلاف ينشب بعد هذه المداعبه..!!