واعترف .. راح اعترفلك !

[غاده]

‏حبك ورى حدب الحنايا سجنتـه
‏وقلبي على ما قيل خبلن موصى

 

[صالح العرجان]

أشتاق له كثر أشتياق (الجد) لعناق (الحفيد)
وأتحمله كثر أحتمال ( السد ) موج ٍ يدفعه .. ؟!

 

[غاده]

المشاركة الأصلية كتبت بواسطة صالح العرجان

أشتاق له كثر أشتياق (الجد) لعناق (الحفيد)
وأتحمله كثر أحتمال ( السد ) موج ٍ يدفعه .. ؟!

باقي ماصرت جد 🤔

 

[غاده]

‏البسمة اللي ترحب بيّ وأنا مقبل
‏يا جعلني ماخلا من وجه راعيها ؛

 

[صالح العرجان]

المشاركة الأصلية كتبت بواسطة غاده

باقي ماصرت جد 🤔

ننتظر عبدالله يعرس الله يصلحه ويحفظه ويرضى لي عليه

اذا عندكم له عروس تراه نعم الولد

 

[صالح العرجان]

مدري متى !! أرتاح من كثرة .. الجود
حتى ضلوعي .. ب العطى ما امنعتني !

 

[غاده]

المشاركة الأصلية كتبت بواسطة صالح العرجان

ننتظر عبدالله يعرس الله يصلحه ويحفظه ويرضى لي عليه

اذا عندكم له عروس تراه نعم الولد

فديت عبود وفديت ابو عبود الله يحفظه لكم ويطول بعمرك وعمر ام عبود تشوفون عيال عياله يارب💚💚 ....

 

[غاده]

‏لو ان الايام تشبه وجهك الطيّب
‏يمدي الاحلام جت قبل اتمناها .