تعال واكتب حالتك/لحظتك شعراً ..!

[صالح العرجان]

المشاركة الأصلية كتبت بواسطة عبدالله صلال العساف

سولف وخل الذايقه تشرب الصوت
قلت إيه ....لكن يالغلا وين الاسماع

ماعاد بأسماعك لنا يالغلا قوت
واغصان بوحي بالثمر وصلت القاع

عبدالله صلال العساف

يقولون القمر لا غاب يضوي على ديره

صح لسانك

 

[صالح العرجان]

:
" صدري اجتمع به غيم "
و المحت أنا برووووق ...
وأسمع رعيد بصدري . و بارقه زاد .

و أنفاس صدري عاصفة . ساقته سوق ..
حدّت سحاب مخيم . و ماله أوتاد .
:

 

[صالح العرجان]

أموت بك ..... كثر ماحظي معك يخطي
كثر انخذال العيون ... ان خابت الهقوه

,

ان طاب جرحي .. غرامك والله ان يبطي
وان طال جرحي .. عسى ياجارحي فدوه !

 

[عبدالله صلال العساف]

المشاركة الأصلية كتبت بواسطة صالح العرجان

يقولون القمر لا غاب يضوي على ديره

صح لسانك

صح كلك يالغالي

بحضورك تزدان الاماكن ....ممتن لك 🌷🌷

 

[صالح العرجان]

طيري بصدري وإستبيحي زواياي
يامنية اللي عاش بك وإبتدابك

أنا فضاك .. وكل شي فيك جوّاي
حلمك ، سماك ، أشياك ، وابل سحابك

ميلي وأنا بآولّع الليل بـ غناي !
وآعوّضك عن دنيتك وإغترابك !

رغم إني المسجون في داخل أشياي
إلا إني اللي عاش حُرّ بـ إيابك !

مايخنق العاشق سوا عبرة الناي
ولا يخذل المتفائل إلا غيابك .. ؟!

 

[عبدالله صلال العساف]

تجيبك اللهفه على سكّة البال
ومايقنع الخطّار....عذر المعازيب

ياما تعذّر شرهة امواجه الجال
ولقت وفاها في عيون الأجانيب

عبدالله صلال العساف

 

[صالح العرجان]

يجود الليل ياخلَي بشي من الوله قتَال
واجود بحزن غيباتك عن عيوني ولاتدري .. ?!

 

[غاده]

‏تطمن ماني واقف على بابك
‏انا مثل السنين ان رحت ما ارجع .