تعال واكتب حالتك/لحظتك شعراً ..!

[منتهى القريش]

جيت من أقسى مسافات الغياب
احتمال ..
إني أكون أو لا أكون
جيت أدور لي عيون
(قد أرى غيرك فيها)
ربما في غيابك
أشوف غيرك
بس عيني ..
يشهد الله حاولت
بس ما قدرت تخون

 

[بندر الصقر]

[poem=font="mudir mt,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انت غير الناس , حتى بتجريحي تمون = لا تحسب حساب بندر , واذا ضقت اجرحه
وكل مازادت عليك الهواجس والظنون = مد سكين الميانة لقلبي واذبحه
بس اقول : الطيّب أحسن وانا ( قلب مغبون ) = وشلك بتعذيب قلبٍ سكنته مصلحه !
[/poem]

 

[صالح العرجان]

أنا يا سيدي لو شفت لي ضحكه وحسن أقبال
أكن بداخلي ضيق المدار وشرهة أوطــانه !!

 

[بندر الصقر]

في غيابك
ليه
تاخذني معك عني
وتتركني بوجه الريح عاري

ليه
تسقط بي
قناعات وثوابت
ثم تتركني رهين لكل طاري

ليه
تحرقني
تفرغني من المعنى
وتطفي بي نهاري
ليه
تقتلني
تليلني
وتتركني مشاع لكل ساري

ليه
تنحتني الى قشة
تغازلها الهبايب والذواري*

* تركي رويع الرويلي

 

[خديجة إبراهيم]

لا تهج البوح لـ. إحسـاس الأماكـن
يمتلي صـدر الـورق حـزن وكآبـه


الشـوارع مظلمـه , والبيـت داكـن
والنوافـذ كلهـا صـمـت وغـرابـه


والموانـيء خاملـه , والمـوج راكـن
يلفـظ انفاسـه علـى شـط الكتابـه


جيت أعشم بردها بـ. الصيف لكـن!!
الفصول الأربعه ../ بـرد , و رتابـه


آآه.. لا صار الغلا بـ. الجرح ساكـن
والخناجـر كلـهـا ربــع وقـرابـه

 

[منتهى القريش]

لك أماكن
في غيابك ..
تفتقد صوتك .. حضورك

لك مساكن
وسط روحي
ما سكنها إلا شعورك

لك وطن
قلبي واخذته
ما أظن يسكني غيرك

يا انتمائي
يا حدودي
يا سمائي
راضية بشرك وخيرك

 

[صالح العرجان]

بعض المطر, يشبه كثيره سرابه
...................... مثل الهوى, يطعن بصدري / طموحي

وش حيلتك / لا صار دنياك غابه
..................... لا الصمت يوحي, لك ولا البوح يوحي ،،!

 

[زينب الشهري]

::

ولا باقي سوى هالريح

تتمرجح على ايامي

وتتبجّح على الباقي من احلامي

قبل لا اطيح !!