تعال واكتب حالتك/لحظتك شعراً ..!

[مسر بن ذياب]

،
مر في بالي لنا موقف قديم
صح مضحك
كان مضحك


جاب طاريك
وبكيت

،

 

[شعور]

-


شّد انكساري فيك يا سيّد الحال
ما عاد تسندني .. ظهور الليالي !

 

[عمرو بن أحمد]

لك من عزومي يالغلا
وقفة جبال
تشفى غليل المرتجى والمؤمل

 

[شعور]

-

كفو وأعرفك وافي الفعل رجال . .
لكن انا قادر وراح آتحمل ،

 

[إحتواء]

‏مساء الخير
أما بعد :
،
ماشفتني ؟!
لي كم سنة
يغفى السهر : ويمدني !
لي كم قهر
يصحى الصبح :
ويشدني !
ماشفتني ؟!
بين الجراح
أبرر الحزن : اللي راح
واربت على كتف .. الألم
لاجا الشتا بيشبني !

راق لي

 

[سعيد الموسى]

تهزّني
دمعة طفل
يشحذ الما
ويهزني منظر
عجوزٍ سقيمه !
تبيع
من لبس السنين [ الحسافه ]
في حلقها عار ٍ
تبي تستر إيديه !
يهزني
منظر فقارى بسيطين
يتقاسمون الخبز
من فمّ نمله !
.
.
جزء من النص [ مفقود ]

 

[يوسف الذيابي]

تذكري
الليل الطويل
وعمراً خذت منه السنين
تذكري
ذاك الحزين
في عزلتك وقت الحنين
تذكري
ذاك الحزين
تذكريه وسامحيه


ادعي عسى ربه على دربه
يعينه
ادعي عسى ربك بلا غم ونكد
يحييه

ادعي عسى ربك و ربه
من الحزن ينجيه


ادعي عسى دعاي
ودعاك ...... امين
،،

 

[سيرين]

أبحث عن رحلة سمر بليلتي وأنت حل ٌّ بهذا التيه

\..