تعال واكتب حالتك/لحظتك شعراً ..!

[بندر الصقر]

[poem=font="mudir mt,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
شفت كيف الجوع يضغط على عز الفقير = وكيف لاضاقت وضاقت وطاحت دمعتك
والله ان الكسرة اكبر على قلبٍ كسير = غاب سعده عنه من يوم غابت ضحكتك
[/poem]

 

[منتهى القريش]

أبد ما غبت ولا نسيتك
حنيني لك .. يصحي غفوة النسيان

تانيتك
حلمي الي سكن روحي
علقته أمل يضوي
يعاند صكة البيبان

 

[صالح العرجان]

هو صدق [ قلبك يهمه ] غيـابي ؟!..
وإلا أنا مجرد شخص من [ عرض هـالناس ] ؟!..

 

[ريما الخالد]

ليت في صدري مخارج طوارئ للهروب
عند حـالات الطـواري تفـك ابوابهـا
لا ملت صدري همومي وضاق ٍ الجنوب
افتح ابواب المخـارج تطيـر اسرابهـا

صار قلبي منتجع هم من بيـن القلـوب
مـن بعيـد الـدار يمـه تشـد ركابهـا

 

[صالح العرجان]

الشمس بالشباك تبغى تصحيك
والنوم مايبغى يفارق جفونك

قم واسمع بقلبك حديث الشبابيك
يخبرك كيف الصبح بارد بدونك ،،!

 

[زينب الشهري]

::

تعبت اخايل مزونٍ تمني هالثرى باعشاب
... وانا من عام في صوتي يتامى لك ينادوني

عبرتك كانت الدنيا تمرجح بي على الاهداب
بكيتك ...ماشكيت الحمل لو هو اتعب متوني

 

[صالح العرجان]

يا كثر ما رحت اتحرى اشياء نكهتها قضت
واحاول اخلق للحنين أجساد واعمار وشعور

احيان احس ان الليالي لا انفقد غالي فضت
واحيان ما ودّي احس بشيء يملاني كسور ،،!

 

[حنان العصيمي]

يساورني يقين ان المطر غلطة هوا عالي
حسب نفسه يصالح غيمتين وبلل ثيابك

فديتك لاتعذر والذي سواك واهدالي
عيونك مالقيت الطف بهالدنيا من اعتابك

جزاك الله خير وبيض الله وجه عذالي
متى ماجيت ابنسى سيرتك قالوا لي احبابك

وانا لقالوا احبابك عجزت اسمع وش التالي
خذيت الكلمة اللي تشتهيك وضعت باسبابك