سيمفونِيّة مَطَرْ

[سعيد الموسى]

طشششش المطّر !
مثل البُكى !
وجبـــــــاهي الصبح
وعطر !
ماوشوش الديم وكفى !
قل : باسته ريح القُزح !
*
*
ياسيّدة ورد الحبق !
ياباشة الغيد ... وفرح !
ياناصعة
خدّ السمّا !
ياباهية حسن المِسا !
ياكل ماكلّ إنكتب !
ياأكثر الوصف وعِنب !
يا....... ياء بل آخر
سطر !
إلا الــــ مطر !
نُقطه . [ شَطر ] !
أستسمحك !
ليش الشِعر !؟

 

[سعيد الموسى]

صاحب جروحي :
فضيلة / معصمي !
مابعد جرحك
تلوّح لك يِدي !
يامسافر في متاهات
وجفن !
دربك الدمعه ...
وتلويح أصبعي !
وين رايح ؟
يامسافر بي أسى ؟
يامهاجر
حدّ رمشي
سيّدي !
ياقائد السرب : الرذاذ !
مملكة جرحي
تناديلك : عسى ؟
ياعساك بخير
من غيم الشقا !
رافقتك الآه ...
والكذب العريق !
قائد جروحي ...
سعادة : سِيدها !
شفني آلوّح ...
ودمعي مستحي !
ماهو ذنبي !
لا وربي !
ذنب قلبي !
قل : وطبعي !
شوف : صِبْعي !
يمسح المنظر :
هلا ؟ !

 

[سعيد الموسى]

تقول : الله وأمان الله
أحبــّك !
وأنا أحسبها تقلي : مثل إختك !
يابنت الناس ...
ماينفع وربّك !
أنا ماأقوى على
تدنيس أهلك !
*
*
تقول : اللي حكيته ... ماحكيته !
دخيل الله ... قلّي
شي ثاني !
همست بصوت خافت ...
[ يعني أكذب ؟ ]

 

[سعيد الموسى]

زفرت الآه من خدّي !
وطاح الرمش
يمطرني !
أنا لله ... ياجرحي !
أنا لله .... تذكرني ؟
*
*
وقفت أتأمل المنظر !
وأنا يدّي على جفني !
*
*
ولاأدري كيف
لاتنشد !
سقط بركاني الثاير !
بكيت الليل
والذكرى !
بكيت الهمّ وسنيني !
وأشوف الصبح
متبسّم !
رفيق الشمس .... لاتعتب !
كثير أشياء تبعدني !
وأدورني بلا جدوى !
أنا من غطرسة حزني !
مسك هذا القلم يكتب !
وأنا بين الحكي ضايع !
أدورني
بلا جدوى !

 

[سعيد الموسى]

وتمرني
بعض الوجوه !
تنشد
عن التين وعدم !
ياماسك التين !
انقطف !
والشوك
مايرحم يدك !
وتمرني
مثل الضباب !
مايرحم الشوف
السراب !
ياثقلها ....
وخزة يدك !
ياكثرها وجوه الكذب !
تنشد عن الزمزم !
شفاء !
وانشد عن الوتر !
ودعاء !
مامرّت يدين المســا !
إلا وانا حابس
يــِدي !
الله ولا بعض الـبلاء !
والله ولا سمعة رياء !
ماكنت احسب إني كريه !
والشاهد الله ...
ماحسبت !
ماكنت اضن إلا نزيه !
أشمخ
من وجوه الكذب !
أبراي لله .... وأحتمي !
مليان به زمزم ...
دمي !
مليانه اطباعي شموخ !
ولاني بعد نسل الفخوخ !
أبراي لله ...
وأحتمي !
مليان به زمزم
دمي !
تنعتني وجوه الكذب !
بالقذف ... وبليا سبب !
ماينعت الشهم ... الأبي !
إلا لمن دونه ...صبي !
ياثقلها ...
لو تلتفت !
واقدامك بوحل اثبتت !
لا الناس ترحم شيمتك !
ولا صوتها
ياصل فمـــك !
في ذمّة جروحي ...
قهر !
إن الوجوه اللي حكت !
أسقيتهم
طيبة .... فرات !
وردوا لك ايدينك ...
رفــات !
ماكنها إنمدت لهم !
أو طبطت في عيبهم !
أو ساندت في
هزلـــهم !
ياوجه ٍ أضناه الخداع !
يابايع الروح بقناع !
ياملتقى كل الشتات !
يازفرة التتن الحرام !
في ذمتي ... لا ذمتّك !
شفتك صغير ... وقلت لك !
لاتطلع اكتاف الكبـــار !
يرمونك لــقاع البحار !
هالشوكه اللي وسط تين !
ماصابت إلا كذبتك !
تدري وش اللي يجبرك !
ماني بقايل معدنــك !
لكنّها ... كتوفي ثقال !
قلت: أحتمي واطلع بها !
تطلع بها ؟ بدري كثير !
اول تعلّم .... تحترس !
ثم أوعدك ... بقطف يدك !
ماني من أرباب الرياء !
ولاني بعد قاذف نساء !
كم يلزمك في زفرتك ؟
او بااختناقة شهقتك !
ورب التين
والزيتون !
ورب البيت والزمزم !
ماقول انا يمكن غلطت !
إلا أني أعطيتك [ حجم ] !

 

[سعيد الموسى]

رسالة خاصه جِداً ...

*
*
لو جات لحظه وخفت الناس !
ــــ أبيع كلّي وقل باأرخص !
شامخ .. عزيز ٍ رفيع الراس !
ــــ كبير قدري ولاينقــص !

 

[سعيد الموسى]

ودي أهدي لك : سما !
وأعطني رشـفة : صبر !
خانت أيدين المرايه !
خانت أضلالي خُطايه !
عطني الليله : فرح !
غافي الحكي أنجرح !
وش خذيت من الزوايا ! ؟
وش بقى لك ؟ قل وكمّل !
أطعن ... وطعنك حلال !
أجرح ... وعطني مجال !
عطني أجرحني معك !
عطني أطعنّي ... معك !
عطني .. أبغى أمسح يدينك !
منظر جروحي .. كئيب !

 

[سعيد الموسى]

*
*
*

علمني أحضن وجوه الناس !
من دون أخاف
أرتمي للياس !
علمني أضحك وأنا منسي
مابين قوتي وشرب أمسي !
علمني إن الشفاه ... أفواه !
من دون أحس الشفاه ... الما !
علمني أعتق عصافيري !
من دون أدور تفاصيلي !
علمني أصرخ !
علمني أكتب !
علمني أفرح
من دون أحزن !
علمني إن الحروف أوطان !
علمني إن الشعر سلطان !
علمني إن الشعور إنسان
علمني أن الزهور أشجان
*
*
علمتني مسكة السكّين
ماقلت لي
ليش ؟ وأجرح مين ؟
أحترت بيني وبين الناس
أرأف بهم
تهت وأجرحني !

*
*
أستاذي الوقت : سامحني !
علمتني درس
يوجعني !