تــــصدق ؟ !! [ 2 ]

[سعيد الموسى]

المشاركة الأصلية كتبت بواسطة صالح العرجان

تصدق أني تعبت ويالله وبالله لقيتها

أنصت لها يا سعيد وتلقى بها طب لوجاعك

تدري وش أكبر ذنب في الشرع و الدين ؟!..
إنـك تسـب الـلـي خلـقـك و تـذمـه ..!

و تدري وش أكبر عيب عند المياميـن ؟!..
انـك تخـاوي لـك مـن النـاس رمـه

و تدري وش أخطار التجاوز من يمين ؟!..
إنـه يكـون اللـي علـى البـاب عمـه

والمشكلـه لا سلهمـت فيـك بالعـيـن
والريـح تنثـر فـي شعـرهـا وتلـمـه

يضيـع فكـرك بيـن حـد الحجاجـيـن
و يمكـن تجيـب الكارثـه و المطـمـه

و تدري وش اللي يدبل الكبـد ويشيـن ؟!..
بعض القصيـد اللـي علـى غيـر يمـه

يا بندر ابن سرور ويـن أنـت هالحيـن ؟
ويـن أنـت يـا زبـن الأمـور المهمـه

وين القصيـد اللـي يـدك المياديـن ؟!.
و يهـز شيـخ فـوق رأســه معـمـه

الشعـر والشعـار صــاروا عنـاويـن
و مهبـل تشـري القصـيـد وتصـمـه

صاروا مثـل مـا قـال لعبـة وراعيـن
وكل(ن)تربـع لـه عـلـى رأس قـمـه

يقـول أنـا الشاعـر و غيـري مجانيـن
ودك علـى مجـمـع حنـوكـه تخـمـه

النـاس تذبـح فـي العـراق و فلسطيـن
و قصايـده يـا حلـو عيـنـه وفـمـه

عساه يؤخذ في الضحـى قولـوا (آميـن)
اللـي بنـات النـاس شغلـه و هـمـه

أحـد يحـاول ستـر عـذراء البعيـديـن
و أحـد يـدور بالـردىء بنـت عـمـه

قـد قالهـا بنـدر قبـل عــدة سنـيـن
يثـور معهـا الـحـر و يـثـور دمــه

ولا الـردي لـو مرتـه بيـن قوسـيـن
تـزول عـن عينـه مــزول المغـمـه

يا بنت شومي عن أهـل الضعـف تكفيـن
مالـك ومـال اللـي قـريـب مجـمـه

والشاعـر اللـي مـن رجـالٍ مسميـن
علـيـك فــرض لازم إنــك تتـمـه

الـدار .. والعـادات .. والسلم..والـديـن
ثـم عقبهـا وجـه علـى أيـاة يـمـه

تصدق , إني أعرف هالقصيده من وأنا صغير

الله يرحم بندر بن سرور ,


أشهد بالله إنك حكيم ياصالح وإنك ذوق !


بعض القصائد رغم قدمها ورغم إنها متكررة من سنين , يعني تدور دايم بالمجالس


لكن والله يبقى الشعر , شعر , ! ويبقى الشعر شعور , ويبقى الشعر حكمة !


قد لانقول أن الغزل كله حرام , وبندر بن سرور ترا كان من رواد الغزل

ولكن يبقى الغزل العفيف جميل , !

وياكثر مانطغى ياخي لكن عسى ربي يغفر لنا ,

اعجبني ياصالح : ان القصيدة مثل المجاراه لــ بندر بن سرور ربي يرحمه


أحلفك بربك , لمن هالابيات ياصالح ؟

 

[تَرَانِيْمٌ الْهَائِمَةٌ]

تَصَدَّق أَنـَا مَشِيت وَمَشِيْت ، لَكِنْ تَصَدَّق رُوحِيْ بَقت يَمَّك

 

[سعيد الموسى]

المشاركة الأصلية كتبت بواسطة سموّ الفِـكرْ

تصدق شعور جميل
قمة الشجاعه تبتسم وأنت في حالة زعل أو غضب أو ألم
والإبتسامه أفضل من أي شيء آخر

الله ينور عليك دنيا وآخره

يدوم نبض قلبك ياطيوبه

 

[سعيد الموسى]

مابين خدك , والجفن ! ناس وأماكن للــحزن ! مابين ثغرك والـحسن دنيــا ويعزفها لـحن ! طـّلي عسى الله يسعدك طيرك وحيـد بغيبتـك طلي عسى الله يسـعدك هالفجر ينـطر بـزغتك ! مابينك وبين الــهواء نظرة بـريئـه للسما الله حسيـبك ياطهـر مابين فتنتــها : سفر ! ماقلت لك ليش الصبر ؟ إني على روحك : مطر س /م

 

[سعيد الموسى]

تصدق ؟


مافقــــدتك !

 

[سعيد الموسى]

والمصيبه واللي اعظم


انت فالدنيا / مصيييييييييييير !


,

آآآآه ياذكرى

 

[سناء البخاري]

تصدقـ..
طائر بجناح واحد أنا..

 

[حنان العصيمي]

تصدق ..

الانتظار ..

انتحار ...!

:
.