بدر عبدالمحسن

[ذهول اللقا]

يَاهْ يَالبَدَر

أَذكُر أَنِي كُنتُ أَسرق دَيِوُانَه " رِسَالة مِنْ بِدَوُي " مِنْ شَقِيِقَتِيْ

لـ ِ أَقرَأه وَأَكتبُ عَلَيِه مِنْ خَربَشَاتِيْ وَرسَوُمَاتِيْ الطفَوُلِيَة

وَلازَال هَذا الدَيِوُانْ يَحمِلُ الكَثَيِر مِنْ الفَرَح ِ وَالحُبْ

البَدر

أُسطَوُرةُ الجَمَال والشِعَر

عِندَمَا يَنطِقُ بـ ِ حَرفْ

يَعزِفُ أَوُتَارا ً

مَيِرَال

شُكراً لاَتَكفَيِكْ

 

[ميــرال]

حبيني بس

تصدق الأحلام ..
إنتي اللي بـ حيا لك عمر ..
وانتي اللي بـ سهر لك وانام ..
حبيني بس .. خليني احس ..
إن الهوى ما هو كلام ..
وإن الألم .. ماهو كلام ..

أضحك وحيد .. وابكي وحيد ..
انتي اللي فـ الدنيا معي ..
وانتي البعيد ..
يا نجومها .. والله بعيده نجومها ..
يا همومها .. وش كثر أحب همومها ..
ما هو ضياع .. احساسي لك .. ما هو خداع
الشمس انتي .. و الشعاع ..
قلبي انا .. انا كلي لك انا ..
أنا قلبي لك انا ..
وماهو سؤال الحب .. والقى له اجابه ..
غالي عذاب الحب .. لو كنتي عذابه ..
حبيني بس .. خليني احس ..
إن الهوى .. ما هو كلام ..
وإن الألم .. ماهو كلام ..

 

[ميــرال]

وعدتيني

وعدتيني .. بنجم الضي .. بالقمرا ..
تركتيني لجرح الماضي .. للذكرى ..
وليتك ما وعدتيني ..
رسمتي لي الهوى بسمه .. بتشرق في ظلام الأمس ..
وقلتي لي مراكبنا .. بتوصل لو مواني الشمس ..
وانا من فرحتي باحلم .. واصدق حلم ايامي ..
خذاني الحب ما اعلم .. عن الدرب اللي قدامي ..
كفايه .. انك وعدتيني ..
وعدتيني حبيبة عمر .. تقاسمني الهنا والجرح ..
تركتيني لحيرة عمر .. خذت مني المنى والفرح ..
حبيبه ما ابي لأجلي .. ولا حتى قمر ليلك ..
فقدت فـ غربتي إسمي .. وقلت أنسى أناديلك ..
نسيت إنك نسيتني ..

 

[فهدة]

نام.. نام يا صغيري نام

واغفى في حب وسلام..

أنت بيتك في المجرة وكل نجمة لك سرير

نام يا طفلي الصغير

ولا تخاف من الظلام

تدري عبد الله حبيبك

أرسل أسراب الحمام

تملى أوراق الدفاتر زهر ونجوم وغمام

ولا صحيت الصبح باكر

مين قدك يا سلام

يحفظك ربي حبيبي

ورب هالبيت الحرام

 

[ميــرال]

وطن الشموس


.



وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..
أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..

\

وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..


يا فتى وقف..
وقف.. وين أنت رايح..؟
أنا.. تقصدني أنا..
وإلا أنا..
وإلا أنا..والا..
أقصدك أنت.. وين أنت سارح..؟

يا سائلا عني من أنت.. جعل الردي يفداك..
أنا اسمي شاهد..
وانا شاهد.. اما لك..ولا عليك
يا خال وحنا بعد واحد..لو كثرنا أغواك..
قلب وطريق واحد..هذا أنا.. وهذاك..
على كل حال..
يبقى السؤال.. وين انت رايح..
يا خال ترحالي..للشاهق العالي.. لفجر الليالي للنهار..
للروض غطاه الخضار.. للأرض يملاها العمار..
للمجد الأول رحلتي..ولعزي التالي..
ولو هاذي الملامح قد شفتها.. ومدري متى أنا شفتها..!!

هذا صحيح..
من ألف عام.. مريت من هذا الطريق..
من ألف عام..!!
أتذكرك أتذكرك..
مريت في الزمن العتيق.. وكنت الندى وكنت الحريق..
مريتني فاتح..
تحمل كتابك يا فتى.. ورمحك وسيفك..
كان الشتا غزوك.. وكان البناء صيفك..
طول غيابك يا فتى.. طول غيابك..
أنا كنت في الظلما وحيد..حطبي الفضا.. وجمري الجليد..
والليل جارح.. وش أقول.. الله يسامح من دفني في الظلام..
خبرني يا طاغي السمار.. من أي أرض يا ترى..
ومن أي دار..؟


\


وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..
أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..

\

وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..


يا فتى وقف..
وقف.. وين أنت رايح..؟
أنا.. تقصدني أنا..
وإلا أنا..
وإلا أنا..والا..
أقصدك أنت.. وين أنت سارح..؟

يا سائلا عني من أنت.. جعل الردي يفداك..
أنا اسمي شاهد..
وانا شاهد.. اما لك..ولا عليك
يا خال وحنا بعد واحد..لو كثرنا أغواك..
قلب وطريق واحد..هذا أنا.. وهذاك..
على كل حال..
يبقى السؤال.. وين انت رايح..
يا خال ترحالي..للشاهق العالي.. لفجر الليالي للنهار..
للروض غطاه الخضار.. للأرض يملاها العمار..
للمجد الأول رحلتي..ولعزي التالي..
ولو هاذي الملامح قد شفتها.. ومدري متى أنا شفتها..!!

هذا صحيح..
من ألف عام.. مريت من هذا الطريق..
من ألف عام..!!
أتذكرك أتذكرك..
مريت في الزمن العتيق.. وكنت الندى وكنت الحريق..
مريتني فاتح..
تحمل كتابك يا فتى.. ورمحك وسيفك..
كان الشتا غزوك.. وكان البناء صيفك..
طول غيابك يا فتى.. طول غيابك..
أنا كنت في الظلما وحيد..حطبي الفضا.. وجمري الجليد..
والليل جارح.. وش أقول.. الله يسامح من دفني في الظلام..
خبرني يا طاغي السمار.. من أي أرض يا ترى..
ومن أي دار..؟


يا خال وقف.. ابسألك..
خير وش تبي..
مشبه عليك.. انت شاهد والا غيره..
متغيرا واجد علي..
أنا شاهد.. وليه تسأل يا فتى..
أنا من أهل الجزيرة.. ما تذكرني يا خال
مرت سنين كثيرة.. وانقطع ذاك الوصال
هذا أنت..
بيض الله وجه من كافح وساد.. وعمر الصحرا وشاد..
هذا من فضل الكريم..بس قلي..
وين بشتك والعمامة وين راحتالابتسامه..؟
ويا ترى من هالرجال..
أقصر الصوت تكفى.. وفكني يابن الحلال..
أقصر الصوت عوذا..وأنا في أهلي وداري ..؟
ذولا عدوانك حذاري.. جوني من غرب وشمال..وبدلوا حالي بحال..
يعلم الله اني داري..
ان ذولا وجيه شر.. من رماك بدربهم..
هذا عاد اللي حصل.. بس من وين المفر.. قلي من وين المفر..
ذا قرارك مو قراري.. انته أدرى بالرشاد..
حسبي الله.. كيف طفوا جمر ناري.. وذروا ف عيوني الرماد..
لا يا شاهد.. هذا ما هو ظني فيك.. ما تذكر قلت ابشهد..
اما لك والا عليك..

سامحوني يا عيالي..
وقتكم هذا مخيف..
وما بقى بيديني شي
احذروا من هالليالي.. كلها غدر وزيف
لا هي ظلما ولا هي ضي
الله الله في وطنكم.. في قرابتكم واهلكم
واخلصوا النية ف عملكم.. وحكموا الدين الحنيف
واسمحولي ودي أرحل
قم يا شاهد..الملك عبد الله جالس..
ادخل وسلم عليه..
ودي لكن ما لي وجه.. بعد كل اللي جنيته مالي وجه..
من يحبك مثل ربعك أو ديارك
والملك ما يرضىَ يأسك وانكسارك
أعتذر لأرضك قبل لا تعتذر له
ورح لعبد الله ويقبل اعتذارك
انتو ما تدرون إن العشق غالب..
وان مالي غير هذا الرمل صاحب
هو حبيبي في الرخا والله حبيبي..
هو نصيبي وهو نصيري في المصاعب

/


كم هدموا.. وكم عمرنا
وكم تجنيتوا وصبرنا
بالمحبة الله أمرنا
إلا من يطعن ظهرنا
واللي ما فيه معروف

أنا خايف ساعدوني.. لو بغيت أرجع معاكم..ما يخلوني الجماعة..
تقصد الأغراب ذولا.. أبشر بعز ومناعه.. واللي ما يخيب رجاك..


يا طيور الليل كافي هالوقوف..
ارجعي لاقصى المنافي والكهوف..
والذي خص الجزيرة بالضيا..
ما ذخرنا لك سوى حد السيوف


يا بلادي.. وان سأل عنك غريب
انتي شمس السيف وظلال العسيب
انتي أرض الله فيك الشرع خالد
وهذا عبد الله لنا ملك ووالد
ما شكينا اليتم يوم..وابو متعب في الوجود
وكل ما زدنا هموم.. زادنا عطف وجود
هذا لا قالوا الملك.. قلنا عرشه في الضمير
شمسنا ف سود الدياجي.. وظلنا وقت الهجير
ما يخافه إلا ظالم.. وما يهابه مستجير
يا بلادي.. عطري أرضك بطيب لبسيها الشال والثوب الرحيب
عمريها حب وإيمان ومساجد
سيجيها بالمصانع والمعاهد

وهذا سلطان المكارم.. سيف عبد الله وخوه
صادق في الحب صارم.. القمر لو شبهوه
نعشقه والله عالم.. عشق جدانه وابوه
ما جدبت أرض الجزيره وأبو خالد غيثها
ولا ارتفع عج المعارك.. هو عمدها وليثها


الفرح.. الغضب.. البكا.. والابتسام..
تفضح أسرار الغرام
وكل عاشق له طريقة.. في التصابي والهيام
هذا سرك يا المولع.. والمولع ما يلام
بان سرك يالسعودي وباقي سر..
والأكيد انك كريم.. سيداً ف ارضك وحر..
بس تدري وش هو عيبك.. وعيب ربعك يا الهمام
أنتو عشاق المعالي.. ما انتو عشاق الكلام

/

نام.. نام يا صغيري نام
واغفى في حب وسلام..
أنت بيتك في المجرة وكل نجمة لك سرير
نام يا طفلي الصغير
ولا تخاف من الظلام
تدري عبد الله حبيبك
أرسل أسراب الحمام
تملى أوراق الدفاتر زهر ونجوم وغمام
ولا صحيت الصبح باكر
مين قدك يا سلام
يحفظك ربي حبيبي
ورب هالبيت الحرام


كثر الله ألف خيرك يا وطنا
وبارك الله هالثرى
ما نسينا وين كنا وكيف صرنا في التقدم والثرا
ولو تفجر في تراب
أرضنا نفط وذهب
لا عدمنا هالشباب كنزنا لامن نضب
كل أرضي للعطا سهل خصيب وكلمة الله فخرها
وكل عالم.. أو مهندس.. أو طبيب وكل جندي ذخرها
جينا عبد الله نعاهد حنا يالجيل الجديد
نفتدي والله شاهد أرضنا بدم الوريد


يا محقق لي الأماني
الغلا والحب لك
أدري في قلبك مكاني
وأدري همي مشغلك
يا بو متعب وش نقول
الغلا شرحه يطول
يكفي عبد الله عطاني
لين خلاني ملك
أنا شعبك مثل ظنك
أفخر بملكي وزود
أنت مني وانا منك
أرض وأحلام وجدود
يا بو متعب وش نقول
يا عسى عمرك يطول
أحمد اللي بك حماني
عن أذى كل الفصول

أنا ملكي اللي عطاني
لين خلاني ملك
كل ماضي لي ملاحم
وكل حاضر لي نعيم
أنا يالشعب السعودي
لا أضام ولا أضيم
يا بوخالد وش نقول
الغلا شرحه يطول
كلكم خير ومحبة
وعهدكم سعد وقبول
يكفي عبد الله عطاني
لين خلاني ملك

 

[ميــرال]

ليلة القمر الشحيح

يوم أصيح .. كنت أهزك ..
يا نخيل الوادي ..
غصب اهزك .. مثل ريح ..
والوي أعناق الجريد ..
للقصيد .. ولبحّة الشادي ..
كانت أسراب الحمام .. تنشر فـ صوتي جناح ..
ولا بدى وجه الظلام .. تضوي فـ صمتي هديل ..
كنت أهزك .. يا نخيل ..
يا نخيل الوادي
وليلة القمر الشحيح ..
ما طاح في الساقي ..
طير على حبري رذاذ
وابتلت أوراقي ..
كانت حروف القصيده
حب .. في نخله وحيده ..
وما درت بي ..
أصيح .. أصيح ..
وانا صدري .. روض شوك ..
وخاطري طيرٍ جريح ...
وما دريتي بي ..
أقضبي لجام مهرة الشعر ..
با ترجل .. قبل اطيح

 

[سعيد الموسى]

مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..

***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم


..


..



ميرال شكرا لاني اعشق هذا البدر

 

[ميــرال]

سافري

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


سافري كان يرضيك السفر = جربي لو ورى ليلي صباح
بدلي الرمل بأمواج البحر = واتبعي الغيم تحملك الرياح
سافري لين تبكين المطر = واضحكي لين ما يضيق البراح
ولا تعبتي وحسيتي بضجر = خلي الشوق لديارك جناح
أرجعي في ابتساماتك عذر = مثل ما الدمع في عيني سماح
انتي العين من طول النظر = وانتي القلب من كثر الجراح [/poem]