البحيرة والنورس

[حمد الدوسري]

كبَرْت و كبْرَت وضعت وخفت اضيّعها
خلّيت همّي رضاها يوم اداريها
كل ما طعنّي زماني رحت ادلّعها
يوم الزمن ما ترك لي غير اياديها
ما كنت افكّر تجي في يوم واسمعها
تقلب حياتي من اعلاها لواطيها
حتى اقبلت تبكي الدمعه وتردعها
ثم قالت وكن موتي بين اشافيها:
"جيتك أحلّف عيونك قبل اودّعها
ما اشوف دمعة عتبها لين اخلّيها"
تبغى تروح وتخليني واطاوعها
تبغاني اسكت واقول : "اللّه يهْديها!!"

 

[حمد الدوسري]

ولّي حياةٍ جابت الذل ولّي
لابو حياةٍ صرت فيها تسلى
قولوله اني بنسحب منه كلّي
خلوه يدري ( من تغلّى يخلّى)

 

[حمد الدوسري]

رحت ادوّر حبيبٍ مثلك ابغى استشيره
واثر ما كل زولٍ ينتعوّض ب(زول)
جيت ناسٍ تزوّد حيرة القلب حيره
قلت : "اطيع الزمان وكل شدّه تزول"
قالوا : "العمر يكبر" قلت : "كذبه كبيره
عمر الانسان يصغر كل ما هو يطول"
قالوا : "الشعر بيت" وقلت : "انا الشعر ديره
اعقل اللي سكنها فيه طيش مهبول"
قالوا : "اللي فقير يحب وحده فقيره"
قلت : "واللي يحبّ يحب وحده خجول"
قالوا : "و ذيك هيّ الأوله والأخيره ؟"
قلت : "ما ادري او ادري بس ما ابغى اقول" !


فهد المساعد

 

[حمد الدوسري]

اسأليني وابتديها بالنهار اللي تلا
ليلة ان الجرح يقرا في الضلوع البسمله
واسأليني عن زماني كم شرب فيّ وكلا
انتهي من مشكله والقى وراها مشكله
المشاكل بهذلتني في غيابك والبلا
ما لقيت اللي احط السر عنده وازهله
كل ماسمع (كيف حالك) ينقبض جفني على
دمعةٍ تبغى تقول الحال دمع و مهزله
وابلع العبره واقول : بخير والهم انجلا
و آخر الهرج آتلعثم فيه وانقض أوله

 

[حمد الدوسري]

لعن ابو بعض القصايد كان مافيها حلا
ما تروح الا و تترك للحنايا جلجله
تبتدي مثل المزون اللي تسولف للكلا
و لا خذت قامت ترزّم مثل شهبٌ منزله

 

[حمد الدوسري]

الهدايا و الرسايل و المكاتيب الثمينه
والليالي و القمر و الريح و الكون الرحيب
كل ما تبعد .. تجيب الشعر ليه من يدينه
و تقعد جروحي تودي فالطواريق و تجيب

 

[حمد الدوسري]

بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه
كل ما تطري علي فكرة هواك الأولاني
أشعر إني أنطعن مليون مره من يدينه
أشعر إن عيونك.. الله ما خلقها إلا عشاني
كيف كانت تبتسم له؟.. قولي إنك تخدعينه
صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت أدلله .. حظي رماني..
بنفس الاسم اللي يقول .. بذمتك ماهي غبينه ؟
وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه
لا تظنيني أناني .. لا .. أنا مانيب أناني
لو سلمت من الغرق . بـ أموت في ظهر السفينه
يا إني ما أكمل وأعاني .. أو أكمل ثم أعاني.
.كل ما اسمع طاري اسمه .. أو تجي عيني في عينه
أينا كان الضحيه ؟.. وأينا اللي كان جاني ؟
مدري .. ولكن قراري لازم إنك تقبلينه:
مثل ما أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه

 

[حمد الدوسري]

يا صغيّر السن قدرك طاحت أبراجه
الجرح خلّى الحجر ينطق ونطّقني
خلاص ما عاد تعني لي ولا حاجه
رح جعل ربي يوفقك ويوفقني
من بعد ما كنت نور العمر وسراجه
اليوم صرت الظلام اللي يطوقني
أعطيتك أكثر من اللي كنت تحتاجه
أسرفت في الحب إلين الحب وهقني
خلاص مالي ومال الحب وإزعاجه
مالي ومال الدروب اللي تضايقني
تعبت أضمّ البحر وأهدّي أمواجه
تعبت أجامل وأشوف الوقت يسرقني
شكواي للي عليه الضيق وأفراجه
اللي إذا شاء يرحمني ويرزقني

فهد المساعد