البحيرة والنورس

[حمد الدوسري]

على صغر سنه ممّيل عقاله
كاشخ وناسي لايصك الزراير
لاشافك يتمتم لحاله بحاله
لعيون هالشوفه تهون الخساير
ولاشاف زول ابوك حذّف نعاله
الحب جاير لكن العود جاير
طفلٍ يتيم ورغم الأحزان داله
مايدري ان حظه مع الوقت باير
كنتي طموحه كنتي أغلى حلاله
كنتي وصرتي بس يام الظفاير
طفلٍ زرع من ضحكتك في خياله
لين اثمرت شعرٍ هزاله حراير
لاتتركينه في غيابك لحاله
بالله شوفي كيف هالطفل صاير
ووحده بوحده كان عندك عداله
اتبّطلي غيبه و ابطّل زقاير

 

[حمد الدوسري]

فقدت في الشدّه حبايب وخلاّن
هانت عليهم عشرتي بس ماهنت
خانوا وقلت أن الزمن مثلهم خان
لكن بعد ماشفت زولك تطمّنت
وعرفت من فقدي لهم أني إنسان
ماعاد باقي له من العالم الا أنت
أنت السبب ياقلب في كل ماكان
مشكور ياقلبي على الطيب وأحسنت
في خاطري كلمه على حد طوفان
بقولها واليوم شفتك وهوّنت
لكن تذّكر للأسف قدر الإمكان :
أن الجفا رجّال وأن الوفا بنت !



فهد المساعد

 

[حمد الدوسري]

ياحزن كبدي حزن من ضاق ثم حام
اخذت فروخه مادرى ليه ولوين؟
بعد ما شاف العش عيدان وعظام
خاالي يتقكر فووق ويساار ويمين
خلا عشاها فيه ومن الوطى شاام
زبن على روحه وفل الجناحين
وياوجد حالي وجد من نام ثم قام
على صياح امه وهو دون رجلين
عويق وامه تنعته والنعت سام
وهو خابر انه يقسم الصف صفين
حبا وصاح بصيحة ٍ تاصل الشام
منها تقطّع في خفوقه شرايين
على وليف ٍ قسم اظنوني اقسام
واقفى وانا ما اعرف طرد المقفين
راح وترك في صدري ووسووم واعلام
وصى علي طيفه وقفى بقلبين
ليته تعذّر كان ماهو بمّلام
بعد ماشااف الدرب بيسير دربين
اشوى عليه شوي من عظ الابهام
واشوى علي شوي من دمعة البين
تمشي بنا الاقدام والموت قدام
وميعادنا يمفرق اثنين بعدين
ياعين لا تبكين وعيونه تنام
عادش الى ما خاب ظني بترضين
لو الدموع اتفيد فادن الايتام
ولو الكلام يفيد عادت فلسطين
ولو النباات يطّلعه دمعة هيام؟
شفتوا على وجهي ورود وبساتين
الحب سجن وبعد الاحباب الاعدام
وقلوبنا السجّان مدري مساجين
الحب نوم ٍ عمره اشهوور واعوام
وان قمت ففهمها فرااق وسهر عين


محمد بن فطيس

 

[حمد الدوسري]

أعشق سميّك في البزارين وأدعيه
وأقبل خطاه إلى خطى وآتلقّاه !!
وإسمك يروّعني إلى مرّ طاريه
وآحبّ ملقوفٍ يسولف وطرّاه !!
وآمرّ بيتك من بعيدٍ ولا آجيه
وآنا لو إنّه في يدي .. ما آتعدّاه !!
حتى ( تواير ) ( موتري ) تلتفت فيه
تبغي تلفّ ويستحي العقل والجاه !!
وصلْك يخيط الصدر والبعد يفريه
ويابري حالي كان صدّيت برياه !!
ويلي على .. ( أدري حبّنا ويش تاليه ؟ )
وويلي على ( أدري وش ورى الغيب ؟ ) ويلاه !
عشان أشوف إذا محبتك .. ترفيه
والله لا أقفّي عنْك .. أستغفر الله

 

[حمد الدوسري]

‎قطفتُ الفخر من صغَري كريماً
...........................وأنجدتُ الدخيل بعادياتِ
أنا طبعي كما روحي نقاءٌ
......................وذاتي تستنير بشمس ذاتي
يدس البحر مرمره بقلبي
........................كأنَّ البحر يأمن في حياتي
ويرجع مثل مدِّ السيل شعري
........................ويبحر حينَ تشرع ذكرياتي
صبرتُ على الأذى، ما سقت لغواً
.............................ويبرد كلُّ جمر في أناتي
أعرت إلى النجوم بريق روحي
.....................وحفظ السر شيءٌ من سماتي
جميلي قدَّ من دُبُرٍ، وحولي
............................بنادقهم.. ويابئس الرماة

أكثر قصيدة مطلوبه مني
في المجالس والأمسيات

 

[حمد الدوسري]

وما زلت أرقب غيبا غريبا
‏‎...............يلاطف ليلي .. كغيث السحاب
‏‎فحينا أراه نداء حزينا
.....................‏‎ينافس طيرا.. كثير العذاب
وحينا أراه.. حماما كئيبا
.................‏‎‏‎يفرفر في الأفق عند الهضاب
‏‎وحزني طويل.. وغيبي ضرير..
......................‏‎وأتبع دربا كثيف الضباب
وما زلت أعزف نايا عزيزا
.......................‏‎تعرق مني.. على كل باب
‏‎‎أصارع عشقا قديما.. قديما
‏‎.......................أضمد جرحا بأرض خراب
‏‎وألقي بظهري على كل ناب
.....................‏‎وأدفن وجدي فيأبى التراب

 

[حمد الدوسري]

عينيّ , يا درّ الخميلة , عفِّفا
حاشا وراء الفاتنات جريتما

حفظت ديابيج السماء غرورها
لكما والقت سرّها المستلهما

هذا سليل النور , هذا سرّه
قد حان , يا عينيّ, أن تتفهما

ما وافي الأوصاف ؟ ما أخواله ؟
ما جده الكافي ؟ صفاه وأقسما

في ذكري الحسَّاد وصف حاقد
ما كان ربا للمناقص مغرما

لولاه , يا عينيّ , ما ندَّيتما
بندى الحياة ولا أرادكما العما

صبرا إذا كُحِّلتما حزن الضنا
لولاه , يا عينيّ , ما كُحِّلتما

ورمى فؤادي , في الحياة , قساوة
أنّي رميت , مع الرماة , عليكما

 

[حمد الدوسري]

ابي لي مهره ماعسفت صغيره وبنت حصان
ابوها اللي يفك المشكله ويزبن الجاني
واخوها لا تعزوى باسمها فزوا لها العربان
يحق لها الفخر في قولة آل فلان جداني
أبيها في بحر عشرين لا زود ولا نقصان
أبيها اقصر طويلة والوصوف اشكال والواني
أبي الجبهه كما الصبح وكما القوس اسود الحجان
وابيها ناعسات ونرجسيه سود الاعياني
ابي رمش كما ريش يغطي الثلج فالاوجان
وابي جفن يشيل الرمش طربان وكسلاني
ابي خد كما ورد تنّمى في طرف بستان
وابي خشم صغير ومثل حد السيف شاماني
ابي البسمه كما البرق وثناياها كما المرجان
شفاها جمرتين وفمها خاتم سليماني
ابي شعر مثل ذيل الفرس لا طبّت الميدان
او الشلال لامن بات ليله بين الامتاني
ابي جيد سوات ابريق فضه ناتق مليان
وصدر كنه مرايه عليها طلع رماني
ابي ظهر كما الجدول وقدّ مثل غصن البان
وخصر مثل مجدول الاعلان وجسم روياني
ابيها نابية ردف وبطن ظامر جوعان
ابيها مدمج ساق وقدمها لسان ثعباني
ابيها بنت عز من رغدها ينعم الفستان
ابي الرقه وابي الدقه لها باطرافها شاني
ابي المشيه كما اللي طالع من المعركه كسبان
وابيها ترش مع خطواتها مسك وريحاني
ابي صوت الى مني سمعته كن فيه الحان
يدغدغ مسمعي ويثير كل السحر فاشجاني
ابيها حب واخلاص وهواجيس وفرح واحزان
ابيها مثل ما دكتور اهالي العشق وصاني
ابيها لوحة ما صورتها ريشة الفنان
ابيها جوهره ما جابها قاصي ولا داني
ابيها تنتصر لي من زمان حطني نيشان
وتبشر بالغلا اللي مالفى به واحد ثاني
مهرها قلب وشعر يهز القلب والوجدان
وألبسها القصيد وتصبح اوزاني وقيفاني
ابي اللي فات واللي فات صعب ومن لقى العنوان
يرد العلم ولا افضل ابقى اعيش وحداني



.