الأرض معذورة
[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تخطي وأجمع لك عتـاب وأجيلـك=وآقول في نفسي تشـوف وأوريـك
وان شفتـك بعينـي إلهـى دخيلـك=أنسى العتاب وامدحك لأجل أراضيك
جيت أشتكي منك وصرت اشتكيلـك=آنااللي بيّ عيوب والا أنت مافيـك
تآخذنـي برمـشٍ تثاقـل وأخيلـك=ليل ونجوم / وطيف يهمس وأنآجيك
منك الحلا ياخـذ ويشكـر جميلـك=إنت الحلا كلـه عـس الله يخليـك
لا جيت كلك صبـح والليـل ليلـك=والورد من قده نبـت فـوق خديـك
متميز بحسنـك علـى كـل جيلـك=سبحان ربي بالحسن كيف مرويـك
ما حط احد بعـدك لحسنـك بديلـك=والله هنيالـك مـن اللـي يجاريـك
يازيـن عـودك لا تثنـى وميـلـك=أرفق على ظلك تعـب مـن تثنيـك
معـذوره الأرض بحذرهـا تشيلـك=وأحيـان تتمنـى تطيـح وتداريـك [/poem]