~~ قالت عروسه ~~ صوت خالد وصدى الشاعر: تركي عواد

[عبدالله الدخين]

المشاركة الأصلية كتبت بواسطة خالد مفلح الدعسان

للحروف / للشعور / للتواصل
حق شرعي على كل شاعر ومتذوق


فأتيت لكم / بهذه المشاركه المتواضعه
التي تأمل بأن تنال شرف قرائنكم لها

صوت

[POEM="font="Arabic Transparent,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تركي زعجت الخبر وان جاك مرسالي = اكتب على سيرتي مرحوم ذكراها
ما غير اغني لها يا لالي يا لا لي = روحي حزينه وقلبي ما تعداها
أذكر لها ايام راحت مالها تالي = واليوم ( خالد ) يعاني مر فرقاها
في ليلة (ن) ساهر (ن) ثم دق جوالي = يا مار عيني بحيح الصوت ابكاها
هليت فيها وتسال؟ وشهي احوالي = ثم قلت ملعون ابو الفرقا ومجناها
قالت؟تراك إبخفوقي ومشغل(ن) بالي = وروح الخبيثه؟ عسى ان الله يجزاها
قالت؟ فلانه ترى خالد برا حالي = ما غير ايطري صفات اللي تحراها
ومن ثم دقيت ؟ يوم أنه تهيالي = ولاتحسب اني ابي الرجعه وطرياها
قالت؟ عروسه وقلت الهم هو فالي = هي ودعتني وانا اللي ادمح اخطاها
تركي..(هنوف العذارى) ترفض اوصال = شان القدر كيف؟ ابقوا مر جفواها
اليوم زوجه؟ وباكر أم لعيالي = وانا الذي طول عمري اتمناها
ماقبلها غالي أو لا بعدها غالي = ولا ظن في بالعذارى مثل حلياها
تركي انا عشتها ايام(ن) مع ليالي = راحت ثلاثة سنين (ن) شهد وياها
اسقيتها بالمحبه حلو فنجالي = ولا باقي إلا ترى فنجال ذكراها [/POEM]

الشاعر/ خالد الدعسان العنزي


صدى

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الصوت صوتك وصوتك دايمٍ عالي = وان جيت يمي كتبنا تكرم الحاها
من عزتك جابني شعرك وغنالي = مثلك يطول السحايب وايتعداها
يانسل مفلح تطول المجد بافعالي= من هيبت اجدودكم اللي عرفناها
يعني حبيبي قريبه حيل ياالغالي = ياعم خلها تولي روح وانساها
من يرخصك وانت اقرب لي من ضلالي = لها الشرف يوم شعرك قام غناها
ان جيت يم الجنوب وخاطرك مالي = يا الوايلي عزتك ترقا وتلقاها
وان جيت يم الشمال وجرحي الصالي = عشرين سبعه اشوف الغير يتناها
الحال واحد عسى الله يستر الحالي = والكل منا بيفهم ويش معناها
ارفع مقامك ترا هالناس عذالي = لاجيت اكحل عيونه قمت بعماها
خالد واعرفه يجي شامخ ومتعالي = ماهو من اللي تذكر قام ناداها
والحين ابنسى طعون الوقت اشوالي = صارت هنوفك بيدين للي ترجاها
من خان ربي يخونه والله الوالي = واليوم راحت ولا ضنك بتهواها
والذكره اللي تجي حلٍ وترحالي = مجبور تنسى شعور اللي تغناها
ياعز تركي وهيبت ميلت اعقالي = بامصافح ايدك اطول الغير وارقاهااا [/POEM]

الشاعر الرائع / تركي عواد

صـوت وصـدى .. وآحساس نابـع من الروح ..


الشاعر الرائع / خالد مفلح ..

الشاعر الرائع / تركي عواد ..


عسـى الله لا يفـرق رفيـق ٍ عن رفيقــه ~ والله يبعد الهـم عن قلب وافـي ..

صـحت قلوبكـم .. وسـلمـت اناملكـما ..

لكم خالص مودتي وآحترامي ..

 

[خالد مفلح الدعسان]

المشاركة الأصلية كتبت بواسطة رجا المريخي

خالد مفلح الدعسان

صح الله لسانك ولسان الشاعر تركي العواد

نصوص قاصت بأعماق الجمال بعذوبتها

إحترامي وتقديري

رجا المريخي

شكرا لك على هذا التواجد

من القلب لا هنت