حـلم .. وبقايا أمنيات المراجيح

[العـنود ناصر بن حميد]

.
.

وش رجع الصوره

لوجهي

ووجهـك

أيام ماكنتي

تخبين الكحل / الروج

في شنطتك

كنتي تقولين .. أكبري يابنت

وكنت أضحك بسري عـليك

واسأل وفي صوتي ممل

النضج عندك

كحل .. وروج !!

.
.

شيخـه

ليتنا والله بقيـنا

أكبر همومً في صباحً

يبـتدينـا

كيف نستهبل على الابـله سواء

وكيف تخبين الكحل والـروج

في درجك

واول ماجرس الفسحه

يدق

تكشخين
.
.

وحنا نبقى كلنا خلفك

وجوه مراهقات

وأنتي

سندريلا هالبنات

.
.

ليتنا كنا سوى

وليت ماضينا .. مافات

.

 

[العـنود ناصر بن حميد]

.
.

ما

ء

يعني إرتواء

بس لاصارت قبل كل الكلام

يصبح المعنى

غريب

شي .. يسكن بك

يغيب

ثم

ينتكس بك .. هالشعور

وينتشر بك

مثل وجعك

مثل أيامك .. وأحلامك

ومثل ما كنت دايم

تشتري للفرح مناديل وحرير أبيض

يعني تـتباهى

بحضورك

وبوجه ضاحك
.
.

أو خلنا نحكي بصدق

وجه باكي مدعي فرح

وجه شاكي مدعي فرح

وجه محكوم .. بشعور

أكبر من حدود صمته

وش نقـول ؟؟

لاغـدت .. أوجاعنـا

ملامحنا

ملاحمنا

ملا .. حنا

وش نقـول

غـير بـاكر

ينتظرني
.
.

يااااااااااااااااه

مكتب وساعة حائط أصفر

ووجوه .. أصحاب

تقول

وما.. تقول

كلنا .. نعيش

دور في هالفصول

بس من فينا

بينجح

والا من فينا

بينول

.
.
.

متعبه فينا الملامح

متعبه حـد الذبـول

.

صارت الساعه .. ثلاث

وأنا يحرقني .. الأرق

صارت الساعه .. ثلاث

مارحمني .. هالورق

صارت الساعه .. ثلاث

بعضي أغطشني .. غرق

.
.
.

بهالورق

 

[العـنود ناصر بن حميد]

.
.

تثائب العمر

وتمدد وجع صوتي

كنت أصرخ وبسكوتي

الف معنى

للتعب

وفي كل جفن للعتب

باقي ملامح من سهر

تعلقت بباب الهدب

.
.

تثائب العمر

وسهيت

مدري كتبني الف بيت

والا نهبت الدمع وجيت

أشكي

لذاتي

لبعض أيام .. السعادة

ولدفى

روحي .. وساده

من أمـاني

بابها .. وجهك

حبيبي

دربها .. صوتك

حبيبي

وجرحها

كلك

حبيبي

.
.

تثائب العمر

وتمدد وجع صوتي

ماسمعني

كود

خوفي

و

الف صرخة من تعب

تفضح

سكوتي

 

[العـنود ناصر بن حميد]

.
.

كل أكـتئاب

وأنتي .. بخير

يعني

صباحاتك .. تـطير

مثل الورق

مثل الأرق

لاغازل حروفك وسرق

بعض .. أهتمام

.
.

كل أكـتئاب

وأنتي ..بخير

.

 

[العـنود ناصر بن حميد]

.
.

يسافر

وجهك .. في عيوني

صبح ومسا

ألقاك

دايم

في عيون الناس

في ظل البيوت

الغافيه

احساس

.
.

يسافر

وجهك .. في عيوني

وألمحك

واقف على

رمشي

احتار بك

وأمشي

اسولف بك

وأتنفس

هواك البارد

الأنفاس

.
.

يسافر

وجهك .. في عيوني

وأطلقك

للريح

للديم

للنوارس

ولبحر .. كالألماس

.

 

[العـنود ناصر بن حميد]

.
.

حالة من وجع

والفرح باب . مغلق

وكل نداء .. قد رجع

.
.

يـا فرحـنـا .. تـكـفى

تعـبـنـا .. إنـتـظـار

تـكـفى .. زهــقــنـا

مـن صـورنـا

وكـل ملامحـنـا .. إحـتـضـار

من هـو يـجـيبـك .. يالخـضـار !!

.
.

دقـيت صـدرك .. يـالأمـل

نـاديـت بـصـوتي .. تـعـال

مـجـروح بي هــذا الـسؤال

.
.

تـكـفـى .. تـعـال

وشـوفـنـي

كـلي .. وقـف لك

يـاحـبـيبـي

إنــتـظار

.

 

[العـنود ناصر بن حميد]

.
.

مراجيح

" بدر بن عبدالمحسن"

مراجيح 00 تحمل الاطفال

للشمس الغاربه 00 وتجيبهم

في جيوبهم خوف وفرح

والريح

تطوي عباة 00 وشيال

أمٍٍ سواد عيونها ارجوحةٍ

ويدينها قلبٍٍ يشد حبال

علمي بهم

والشمس خيلٍٍ هاربه

في الليل ويم جبال

والدنيا ما فيها احد

الا طفل

طفل ومره

طفل ومره ورجال
.

 

[العـنود ناصر بن حميد]

.
.

من متى

باقي هنا

بين جفني

بين عيني .. عنا

من متى باقي هنا

كنت اقول

أني أكبر من مجرد سالفه

تحكيها نظرات العيون

تنثرها دمعات المزون

كنت اقول

أني اكبر من مجرد سالفه

بالقلب كانت حيييل والله تالفه

.
.

بس قلي

من متى وأنت هنا

باقي هنا

قلي